ಗೀತಗೋವಿಂದಂ ತೃತೀಯಃ ಸರ್ಗಃ - ಮುಗ್ಧ ಮಧುಸೂದನಃ
Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ
॥ তৃতীয়ঃ সর্গঃ ॥ ॥ মুগ্ধমধুসূদনঃ ॥
কংসারিরপি সংসারবাসনাবংধশৃংখলাম্ । রাধামাধায় হৃদয়ে তত্য়াজ ব্রজসুংদরীঃ ॥ 18 ॥
ইতস্ততস্তামনুসৃত্য় রাধিকা-মনংগবাণব্রণখিন্নমানসঃ । কৃতানুতাপঃ স কলিংদনংদিনী-তটাংতকুংজে বিষসাদ মাধবঃ ॥ 19 ॥
॥ গীতং 7 ॥
মামিয়ং চলিতা বিলোক্য় বৃতং বধূনিচয়েন । সাপরাধতয়া ময়াপি ন বারিতাতিভয়েন ॥ হরি হরি হতাদরতয়া গতা সা কুপিতেব ॥ 1 ॥
কিং করিষ্যতি কিং বদিষ্যতি সা চিরং বিরহেণ । কিং ধনেন জনেন কিং মম জীবনেন গৃহেণ ॥ 2 ॥
চিংতয়ামি তদাননং কুটিলভ্রু কোপভরেণ । শোণপদ্মমিবোপরি ভ্রমতাকুলং ভ্রমরেণ ॥ 3 ॥
তামহং হৃদি সংগতামনিশং ভৃশং রময়ামি । কিং বনেঽনুসরামি তামিহ কিং বৃথা বিলপামি ॥ 4 ॥
তন্বি খিন্নমসূযয়া হৃদয়ং তবাকলয়ামি । তন্ন বেদ্মি কুতো গতাসি ন তেন তেঽনুনয়ামি ॥ 5 ॥
দৃশ্যতে পুরতো গতাগতমেব মে বিদধাসি । কিং পুরেব সসংভ্রমং পরিরংভণং ন দদাসি ॥ 6 ॥
ক্ষম্যতামপরং কদাপি তবেদৃশং ন করোমি । দেহি সুংদরি দর্শনং মম মন্মথেন দুনোমি ॥ 7 ॥
বর্ণিতং জযদেবকেন হরেরিদং প্রবণেন । কিংদুবিল্বসমুদ্রসংভবরোহিণীরমণেন ॥ 8 ॥
হৃদি বিসলতাহারো নায়ং ভুজংগমনাযকঃ কুবলযদলশ্রেণী কংঠে ন সা গরলদ্য়ুতিঃ । মলযজরজো নেদং ভস্ম প্রিয়ারহিতে ময়ি প্রহর ন হরভ্রাংত্য়ানংগ ক্রুধা কিমু ধাবসি ॥ 20 ॥
পাণৌ মা কুরু চূতসাযকমমুং মা চাপমারোপয় ক্রীডানির্জিতবিশ্ব মূর্ছিতজনাঘাতেন কিং পৌরুষম্ । তস্য়া এব মৃগীদৃশো মনসিজপ্রেংখত্কটাক্ষাশুগ-শ্রেণীজর্জরিতং মনাগপি মনো নাদ্য়াপি সংধুক্ষতে ॥ 21 ॥
ভ্রূচাপে নিহিতঃ কটাক্ষবিশিখো নির্মাতু মর্মব্যথাং শ্য়ামাত্মা কুটিলঃ করোতু কবরীভারোঽপি মারোদ্যমম্ । মোহং তাবদয়ং চ তন্বি তনুতাং বিংবাদরো রাগবান্ সদ্বৃত্তস্তনমণ্দলস্তব কথং প্রাণৈর্মম ক্রীডতি ॥ 22 ॥
তানি স্পর্শসুখানি তে চ তরলাঃ স্নিগ্ধা দৃশোর্বিভ্রমা-স্তদ্বক্ত্রাংবুজসৌরভং স চ সুধাস্য়ংদী গিরাং বক্রিমা । সা বিংবাধরমাধুরীতি বিষয়াসংগেঽপি চেন্মানসং তস্য়াং লগ্নসমাধি হংত বিরহব্য়াধিঃ কথং বর্ধতে ॥ 23 ॥
ভ্রূপল্লবং ধনুরপাংগতরংগিতানি বাণাঃ গুণঃ শ্রবণপালিরিতি স্মরেণ । তস্য়ামনংগজযজংগমদেবতায়াং অস্ত্রাণি নির্জিতজগংতি কিমর্পিতানি ॥ 24 ॥
[এষঃ শ্লোকঃ কেষুচন সংস্করণেষু বিদ্যতে]
তির্যক্কংঠ বিলোল মৌলি তরলোত্তং সস্য় বংশোচ্চরদ্- দীপ্তিস্থান কৃতাবধান ললনা লক্ষৈর্ন সংলক্ষিতাঃ । সংমুগ্ধে মধুসূদনস্য় মধুরে রাধামুখেংদৌ সুধা- সারে কংদলিতাশ্চিরং দধতু বঃ ক্ষেমং কটাক্ষোর্ম্ময় ॥ (25) ॥
॥ ইতি শ্রীগীতগোবিংদে মুগ্ধমধুসূদনো নাম তৃতীয়ঃ সর্গঃ ॥
ಗೀತಗೋವಿಂದಂ ತೃತೀಯಃ ಸರ್ಗಃ - ಮುಗ್ಧ ಮಧುಸೂದನಃ ಬಗ್ಗೆ
ಜಯದೇವನ ಗೀತಗೋವಿಂದದ ಮೂರನೇ ಸರ್ಗ "ಮುಗ್ಧಮಧುಸೂದನ", ಗೊಂದಲಗೊಂಡ ಕೃಷ್ಣ. ಕಂಸಾರಿ ಕೃಷ್ಣ ರಾಧೆಯನ್ನು ಹೃದಯದಲ್ಲಿರಿಸಿ ವ್ರಜದ ಇತರ ಸುಂದರಿಯರನ್ನು ಬಿಡುತ್ತಾನೆ; ರಾಧೆ ನೊಂದು ಹೋದಳೆಂದು ಪಶ್ಚಾತ್ತಾಪಪಟ್ಟು ಯಮುನಾತೀರದಲ್ಲಿ ಅವಳನ್ನು ಹುಡುಕುತ್ತಾನೆ; "ಮಾಮಿಯಂ ಚಲಿತಾ ವಿಲೋಕ್ಯ" ಹಾಡಿನಲ್ಲಿ, ಇತರರಿಂದ ಸುತ್ತುವರಿದ ತನ್ನನ್ನು ಕಂಡು ಅವಳು ಹೊರಟುಹೋದಳು ಎಂದು ವಿಲಪಿಸಿ ಅವಳ ಕ್ಷಮೆಗೆ ಹಂಬಲಿಸುತ್ತಾನೆ.
ರಚನೆಕಾರರು: ಜಯದೇವ (೧೨ನೇ ಶತಮಾನ)
ಯಾವಾಗ ಪಠಿಸಬೇಕು: ಒಡಿಸ್ಸಿ ಮೊದಲಾದ ನೃತ್ಯಗಳಲ್ಲಿ, ಭಜನೆ ಮತ್ತು ಕಛೇರಿಗಳಲ್ಲಿ, ಮತ್ತು ಪುರಿಯ ಜಗನ್ನಾಥ ದೇವಾಲಯದ ಗೀತಗೋವಿಂದ ಸೇವೆಯಲ್ಲಿ.
ನಿಮಗೆ ಗೊತ್ತೇ?
- ಜಯದೇವ (೧೨ನೇ ಶತಮಾನ) ಗೀತಗೋವಿಂದವನ್ನು ಸಂಸ್ಕೃತದಲ್ಲಿ ರಚಿಸಿದ; ಅದರ ಅಷ್ಟಪದಿಗಳನ್ನು ಇಂದಿಗೂ ಪುರಿಯ ಜಗನ್ನಾಥನ ಮುಂದೆ ಪ್ರತಿದಿನ ಹಾಡಲಾಗುತ್ತದೆ.
- ಪ್ರತಿ ಹಾಡಿನಲ್ಲಿ ಎಂಟು ಪದಗಳಿರುವುದರಿಂದ ಅವನ್ನು ಅಷ್ಟಪದಿಗಳು ಎನ್ನುತ್ತಾರೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
"ಮುಗ್ಧಮಧುಸೂದನ" ಎಂದರೇನು?
ರಾಧೆಯನ್ನು ಹುಡುಕುತ್ತಿರುವ "ಗೊಂದಲಗೊಂಡ ಕೃಷ್ಣ".
ಗೀತಗೋವಿಂದವನ್ನು ಬರೆದವರು ಯಾರು?
೧೨ನೇ ಶತಮಾನದಲ್ಲಿ ಜಯದೇವ.
ಇದನ್ನು ಪ್ರತಿದಿನ ಎಲ್ಲಿ ಹಾಡುತ್ತಾರೆ?
ಪುರಿಯ ಜಗನ್ನಾಥನ ಮುಂದೆ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು