MuhurtaNow

ಗೀತಗೋವಿಂದಂ ಚತುರ್ಥಃ ಸರ್ಗಃ - ಸ್ನಿಗ್ಧ ಮಧುಸೂದನಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

॥ చతుర్థః సర్గః ॥ ॥ స్నిగ్ధమధుసూదనః ॥

యమునాతీరవానీరనికుంజే మందమాస్థితమ్ । ప్రాహ ప్రేమభరోద్భ్రాంతం మాధవం రాధికాసఖీ ॥ 25 ॥

॥ గీతం 8 ॥

నిందతి చందనమిందుకిరణమను విందతి ఖేదమధీరమ్ । వ్యాలనిలయమిలనేన గరలమివ కలయతి మలయసమీరమ్ ॥ సా విరహే తవ దీనా మాధవ మనసిజవిశిఖభయాదివ భావనయా త్వయి లీనా ॥ 1 ॥

అవిరలనిపతితమదనశరాదివ భవదవనాయ విశాలమ్ । స్వహృదయర్మణీ వర్మ కరోతి సజలనలినీదలజాలమ్ ॥ 2 ॥

కుసుమవిశిఖశరతల్పమనల్పవిలాసకలాకమనీయమ్ । వ్రతమివ తవ పరిరంభసుఖాయ కరోతి కుసుమశయనీయమ్ ॥ 3 ॥

వహతి చ గలితవిలోచనజలభరమాననకమలముదారమ్ । విధుమివ వికటవిధుంతుదదంతదలనగలితామృతధారమ్ ॥ 4 ॥

విలిఖతి రహసి కురంగమదేన భవంతమసమశరభూతమ్ । ప్రణమతి మకరమధో వినిధాయ కరే చ శరం నవచూతమ్ ॥ 5 ॥

ప్రతిపదమిదమపి నిగతతి మాధవ తవ చరణే పతితాహమ్ । త్వయి విముఖే మయి సపది సుధానిధిరపి తనుతే తనుదాహమ్ ॥ 6 ॥

ధ్యానలయేన పురః పరికల్ప్య భవంతమతీవ దురాపమ్ । విలపతి హసతి విషీదతి రోదితి చంచతి ముంచతి తాపమ్ ॥ 7 ॥

శ్రీజయదేవభణితమిదమధికం యది మనసా నటనీయమ్ । హరివిరహాకులబల్లవయువతిసఖీవచనం పఠనీయమ్ ॥ 8 ॥

ఆవాసో విపినాయతే ప్రియసఖీమాలాపి జాలాయతే తాపోఽపి శ్వసితేన దావదహనజ్వాలాకలాపాయతే । సాపి త్వద్విరహేణ హంత హరిణీరూపాయతే హా కథం కందర్పోఽపి యమాయతే విరచయఞ్శార్దూలవిక్రీడితమ్ ॥ 26 ॥

॥ గీతం 9 ॥

స్తనవినిహితమపి హారముదారమ్ । సా మనుతే కృశతనురతిభారమ్ ॥ రాధికా విరహే తవ కేశవ ॥ 1 ॥

సరసమసృణమపి మలయజపంకమ్ । పశ్యతి విషమివ వపుషి సశంకమ్ ॥ 2 ॥

శ్వసితపవనమనుపమపరిణాహమ్ । మదనదహనమివ వహతి సదాహమ్ ॥ 3 ॥

దిశి దిశి కిరతి సజలకణజాలమ్ । నయననలినమివ విగలితనాలమ్ ॥ 4 ॥

నయనవిషయమపి కిసలయతల్పమ్ । కలయతి విహితహుతాశవికల్పమ్ ॥ 5 ॥

త్యజతి న పాణితలేన కపోలమ్ । బాలశశినమివ సాయమలోలమ్ ॥ 6 ॥

హరిరితి హరిరితి జపతి సకామమ్ । విరహవిహితమరణేన నికామమ్ ॥ 7 ॥

శ్రీజయదేవభణితమితి గీతమ్ । సుఖయతు కేశవపదముపునీతమ్ ॥ 8 ॥

సా రోమాంచతి సీత్కరోతి విలపత్యుత్కంపతే తామ్యతి ధ్యాయత్యుద్భ్రమతి ప్రమీలతి పతత్యుద్యాతి మూర్చ్ఛత్యపి । ఏతావత్యతనుజ్వరే వరతనుర్జీవేన్న కిం తే రసాత్ స్వర్వైద్యప్రతిమ ప్రసీదసి యది త్యక్తోఽన్యథా నాంతకః ॥ 27 ॥

స్మరాతురాం దైవతవైద్యహృద్య త్వదంగసంగామృతమాత్రసాధ్యామ్ । విముక్తబాధాం కురుషే న రాధా-ముపేంద్ర వజ్రాదపి దారుణోఽసి ॥ 28 ॥

కందర్పజ్వరసంజ్వరస్తురతనోరాశ్చర్యమస్యాశ్చిరం చేతశ్చందనచంద్రమఃకమలినీచింతాసు సంతామ్యతి । కింతు క్లాంతివశేన శీతలతనుం త్వామేకమేవ ప్రియం ధ్యాయంతీ రహసి స్థితా కథమపి క్షీణా క్షణం ప్రాణితి ॥ 29 ॥

క్షణమపి విరహః పురా న సేహే నయననిమీలనఖిన్నయా యయా తే । శ్వసితి కథమసౌ రసాలశాఖాం చిరవిరహేణ విలోక్య పుష్పితాగ్రామ్ ॥ 30 ॥

॥ ఇతి గీతగోవిందే స్నిగ్ధమాధవో నామ చతుర్థః సర్గః ॥

ಗೀತಗೋವಿಂದಂ ಚತುರ್ಥಃ ಸರ್ಗಃ - ಸ್ನಿಗ್ಧ ಮಧುಸೂದನಃ ಬಗ್ಗೆ

ಜಯದೇವನ ಗೀತಗೋವಿಂದದ ನಾಲ್ಕನೇ ಸರ್ಗ "ಸ್ನಿಗ್ಧ ಮಧುಸೂದನ" ಯಮುನಾತೀರದ ಜೊಂಡಿನ ಕುಂಜದಲ್ಲಿ ಪ್ರೇಮವ್ಯಾಕುಲನಾಗಿ ಒಂಟಿಯಾಗಿ ಕುಳಿತ ಕೃಷ್ಣನನ್ನು ಕಾಣುತ್ತದೆ. ರಾಧೆಯ ಸಖಿ ಬಂದು ವಿರಹದಲ್ಲಿ ರಾಧೆಯ ಸ್ಥಿತಿ ವರ್ಣಿಸುತ್ತಾಳೆ: ತಣ್ಣನೆಯ ಗಂಧ ಬೆಳದಿಂಗಳನ್ನು ಬೆಂಕಿಯಂತೆ ಕಾಣುತ್ತಾಳೆ, ಹೂವಿನ ಹಾಸಿಗೆ ಮಾಡಿ ಬಾಣದ ಹಾಸಿಗೆಯಂತೆ ಮಲಗುತ್ತಾಳೆ, ಅವನ ಚಿತ್ರ ಬರೆದು ಪೂಜಿಸುತ್ತಾಳೆ, ಅವನನ್ನೇ ನೆನೆಯುತ್ತ ಕೃಶಳಾಗಿ ಬಿಳಿಚಿಕೊಳ್ಳುತ್ತಾಳೆ; "ನಿನ್ನ ವಿರಹದಲ್ಲಿ ರಾಧೆ ನರಳುತ್ತಿದ್ದಾಳೆ" ಎನ್ನುತ್ತದೆ ಪಲ್ಲವಿ.

ರಚನೆಕಾರರು: ಜಯದೇವ (೧೨ನೇ ಶತಮಾನ)

ಯಾವಾಗ ಪಠಿಸಬೇಕು: ಒಡಿಸ್ಸಿ ಮತ್ತು ಇತರ ಶಾಸ್ತ್ರೀಯ ನೃತ್ಯದಲ್ಲಿ, ಅಷ್ಟಪದಿ ಗಾಯನದಲ್ಲಿ, ಮತ್ತು ಕೃಷ್ಣದೇವಾಲಯಗಳಲ್ಲಿ, ವಿಶೇಷವಾಗಿ ಪುರಿಯಲ್ಲಿ.

ನಿಮಗೆ ಗೊತ್ತೇ?

  • ಇದರ ಅಷ್ಟಪದಿ "ಸಾ ವಿರಹೇ ತವ ದೀನಾ", "ನಿನ್ನ ವಿರಹದಲ್ಲಿ ಅವಳು ದೀನಳು", ಗೀತಗೋವಿಂದದ ಅತಿಪ್ರಿಯ ಹಾಡುಗಳಲ್ಲಿ ಒಂದು.
  • ಭಕ್ತಿಪರ ಓದಿನಲ್ಲಿ ರಾಧೆಯ ಹಂಬಲ ಭಗವಂತನಿಗಾಗಿ ಜೀವದ ಹಂಬಲದ ಸಂಕೇತ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಈ ಸರ್ಗದಲ್ಲಿ ಕೃಷ್ಣ ಎಲ್ಲಿದ್ದಾನೆ?

ಯಮುನಾತೀರದ ಜೊಂಡಿನ ಕುಂಜದಲ್ಲಿ.

ರಾಧೆಯ ಸ್ಥಿತಿ ವರ್ಣಿಸುವವರು ಯಾರು?

ರಾಧೆಯ ಸಖಿ.

ಗೀತಗೋವಿಂದ ಬರೆದವರು ಯಾರು?

೧೨ನೇ ಶತಮಾನದಲ್ಲಿ ಜಯದೇವ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.