MuhurtaNow

ನಾರಾಯಣೀಯಂ ದಶಕ 35 - ಶ್ರೀರಾಮಾವತಾರಂ-2

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

నీతస్సుగ్రీవమైత్రీం తదను హనుమతా దుందుభేః కాయముచ్చైః క్షిప్త్వాంగుష్ఠేన భూయో లులువిథ యుగపత్ పత్రిణా సప్త సాలాన్ । హత్వా సుగ్రీవఘాతోద్యతమతులబలం బాలినం వ్యాజవృత్త్యా వర్షావేలామనైషీర్విరహతరలితస్త్వం మతంగాశ్రమాంతే ॥1॥

సుగ్రీవేణానుజోక్త్యా సభయమభియతా వ్యూహితాం వాహినీం తా- మృక్షాణాం వీక్ష్య దిక్షు ద్రుతమథ దయితామార్గణాయావనమ్రామ్ । సందేశం చాంగులీయం పవనసుతకరే ప్రాదిశో మోదశాలీ మార్గే మార్గే మమార్గే కపిభిరపి తదా త్వత్ప్రియా సప్రయాసైః ॥2॥

త్వద్వార్తాకర్ణనోద్యద్గరుదురుజవసంపాతిసంపాతివాక్య- ప్రోత్తీర్ణార్ణోధిరంతర్నగరి జనకజాం వీక్ష్య దత్వాంగులీయమ్ । ప్రక్షుద్యోద్యానమక్షక్షపణచణరణః సోఢబంధో దశాస్యం దృష్ట్వా ప్లుష్ట్వా చ లంకాం ఝటితి స హనుమాన్ మౌలిరత్నం దదౌ తే ॥3॥

త్వం సుగ్రీవాంగదాదిప్రబలకపిచమూచక్రవిక్రాంతభూమీ- చక్రోఽభిక్రమ్య పారేజలధి నిశిచరేంద్రానుజాశ్రీయమాణః । తత్ప్రోక్తాం శత్రువార్తాం రహసి నిశమయన్ ప్రార్థనాపార్థ్యరోష- ప్రాస్తాగ్నేయాస్త్రతేజస్త్రసదుదధిగిరా లబ్ధవాన్ మధ్యమార్గమ్ ॥4॥

కీశైరాశాంతరోపాహృతగిరినికరైః సేతుమాధాప్య యాతో యాతూన్యామర్ద్య దంష్ట్రానఖశిఖరిశిలాసాలశస్త్రైః స్వసైన్యైః । వ్యాకుర్వన్ సానుజస్త్వం సమరభువి పరం విక్రమం శక్రజేత్రా వేగాన్నాగాస్త్రబద్ధః పతగపతిగరున్మారుతైర్మోచితోఽభూః ॥5॥

సౌమిత్రిస్త్వత్ర శక్తిప్రహృతిగలదసుర్వాతజానీతశైల- ఘ్రాణాత్ ప్రాణానుపేతో వ్యకృణుత కుసృతిశ్లాఘినం మేఘనాదమ్ । మాయాక్షోభేషు వైభీషణవచనహృతస్తంభనః కుంభకర్ణం సంప్రాప్తం కంపితోర్వీతలమఖిలచమూభక్షిణం వ్యక్షిణోస్త్వమ్ ॥6॥

గృహ్ణన్ జంభారిసంప్రేషితరథకవచౌ రావణేనాభియుద్ధ్యన్ బ్రహ్మాస్త్రేణాస్య భిందన్ గలతతిమబలామగ్నిశుద్ధాం ప్రగృహ్ణన్ । దేవశ్రేణీవరోజ్జీవితసమరమృతైరక్షతైః ఋక్షసంఘై- ర్లంకాభర్త్రా చ సాకం నిజనగరమగాః సప్రియః పుష్పకేణ ॥7॥

ప్రీతో దివ్యాభిషేకైరయుతసమధికాన్ వత్సరాన్ పర్యరంసీ- ర్మైథిల్యాం పాపవాచా శివ! శివ! కిల తాం గర్భిణీమభ్యహాసీః । శత్రుఘ్నేనార్దయిత్వా లవణనిశిచరం ప్రార్దయః శూద్రపాశం తావద్వాల్మీకిగేహే కృతవసతిరుపాసూత సీతా సుతౌ తే ॥8॥

వాల్మీకేస్త్వత్సుతోద్గాపితమధురకృతేరాజ్ఞయా యజ్ఞవాటే సీతాం త్వయ్యాప్తుకామే క్షితిమవిశదసౌ త్వం చ కాలార్థితోఽభూః । హేతోః సౌమిత్రిఘాతీ స్వయమథ సరయూమగ్ననిశ్శేషభృత్యైః సాకం నాకం ప్రయాతో నిజపదమగమో దేవ వైకుంఠమాద్యమ్ ॥9॥

సోఽయం మర్త్యావతారస్తవ ఖలు నియతం మర్త్యశిక్షార్థమేవం విశ్లేషార్తిర్నిరాగస్త్యజనమపి భవేత్ కామధర్మాతిసక్త్యా । నో చేత్ స్వాత్మానుభూతేః క్వ ను తవ మనసో విక్రియా చక్రపాణే స త్వం సత్త్వైకమూర్తే పవనపురపతే వ్యాధును వ్యాధితాపాన్ ॥10॥

ನಾರಾಯಣೀಯಂ ದಶಕ 35 - ಶ್ರೀರಾಮಾವತಾರಂ-2 ಬಗ್ಗೆ

ನಾರಾಯಣೀಯದ ಮೂವತ್ತೈದನೇ ದಶಕ ರಾಮಾಯಣದ ಮಧ್ಯಭಾಗವನ್ನು ಹೇಳುತ್ತದೆ. ಹನುಮಂತ ಸುಗ್ರೀವನ ಬಳಿ ಕರೆತಂದಾಗ ರಾಮ ಅವನ ಮಿತ್ರನಾಗಿ, ದುಂದುಭಿಯ ಅಸ್ಥಿಪಂಜರವನ್ನು ಕಾಲ್ಬೆರಳಿನಿಂದ ಎಸೆದು, ಒಂದೇ ಬಾಣದಿಂದ ಏಳು ಸಾಲವೃಕ್ಷಗಳನ್ನು ಭೇದಿಸಿ, ವಾಲಿಯನ್ನು ಕೊಲ್ಲುತ್ತಾನೆ; ವಾನರ ಸೇನೆಗಳು ಸೀತೆಯನ್ನು ಹುಡುಕುತ್ತವೆ, ಹನುಮಂತ ಲಂಕೆಯಲ್ಲಿ ಅವಳನ್ನು ಕಾಣುತ್ತಾನೆ, ರಾಮ ಸೇತುವೆ ಕಟ್ಟಿ ರಾವಣನನ್ನು ಕೊಂದು ಆಳಲು ಮರಳುತ್ತಾನೆ. ಅತಿಯಾದ ಆಸಕ್ತಿಯಿಂದ ಬರುವ ವಿರಹದುಃಖವನ್ನು ಈ ಮಾನವಾವತಾರ ಮನುಕುಲಕ್ಕೆ ತೋರಿತು, ನಿಜದಲ್ಲಿ ಆತ್ಮಾನುಭವಿ ಭಗವಂತನಿಗೆ ವಿಕಾರವಿರದು ಎಂದು ಕೊನೆಯ ಶ್ಲೋಕ ವಿವರಿಸುತ್ತದೆ.

ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)

ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ, ಗುರುವಾಯೂರಿನಲ್ಲಿ, ಮತ್ತು ಶ್ರೀರಾಮನವಮಿಯಂದು.

ನಿಮಗೆ ಗೊತ್ತೇ?

  • ವಾಲಿಯೊಡನೆ ಯುದ್ಧದ ಮುನ್ನ ಒಂದೇ ಬಾಣದಿಂದ ಏಳು ಸಾಲವೃಕ್ಷಗಳನ್ನು ಭೇದಿಸಿ ರಾಮ ಸುಗ್ರೀವನಿಗೆ ತನ್ನ ಬಲ ತೋರಿದ.
  • ನಾರಾಯಣೀಯ ರಾಮಾಯಣವನ್ನು ೩೪ ಮತ್ತು ೩೫ ಎಂಬ ಎರಡು ದಶಕಗಳಲ್ಲಿ ಹೇಳುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಈ ದಶಕ ರಾಮಾಯಣದ ಯಾವ ಭಾಗ ಹೇಳುತ್ತದೆ?

ಸುಗ್ರೀವ ಮೈತ್ರಿಯಿಂದ ರಾವಣ ಪರಾಜಯ ಮತ್ತು ರಾಮನ ರಾಜ್ಯಭಾರದವರೆಗೆ.

ರಾಮ ಸುಗ್ರೀವನಿಗೆ ತನ್ನ ಬಲವನ್ನು ಹೇಗೆ ತೋರಿದ?

ಒಂದೇ ಬಾಣದಿಂದ ಏಳು ಸಾಲವೃಕ್ಷಗಳನ್ನು ಭೇದಿಸಿ.

ಕೊನೆಯ ಶ್ಲೋಕ ಯಾವ ಪಾಠ ಹೇಳುತ್ತದೆ?

ರಾಮನ ಮಾನವ ಜೀವನ ಆಸಕ್ತಿಯ ದುಃಖವನ್ನು ಜನರಿಗೆ ಕಲಿಸಿತು ಎಂದು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.