MuhurtaNow

ನಾರಾಯಣೀಯಂ ದಶಕ 93 - ಪಂಚವಿಂಶತಿ ಗುರವಃ

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

బంధుస్నేహం విజహ్యాం తవ హి కరుణయా త్వయ్యుపావేశితాత్మా సర్వం త్యక్త్వా చరేయం సకలమపి జగద్వీక్ష్య మాయావిలాసమ్ । నానాత్వాద్భ్రాంతిజన్యాత్ సతి ఖలు గుణదోషావబోధే విధిర్వా వ్యాసేధో వా కథం తౌ త్వయి నిహితమతేర్వీతవైషమ్యబుద్ధేః ॥1॥

క్షుత్తృష్ణాలోపమాత్రే సతతకృతధియో జంతవః సంత్యనంతా- స్తేభ్యో విజ్ఞానవత్త్వాత్ పురుష ఇహ వరస్తజ్జనిర్దుర్లభైవ । తత్రాప్యాత్మాత్మనః స్యాత్సుహృదపి చ రిపుర్యస్త్వయి న్యస్తచేతా- స్తాపోచ్ఛిత్తేరుపాయం స్మరతి స హి సుహృత్ స్వాత్మవైరీ తతోఽన్యః ॥2॥

త్వత్కారుణ్యే ప్రవృత్తే క ఇవ నహి గురుర్లోకవృత్తేఽపి భూమన్ సర్వాక్రాంతాపి భూమిర్నహి చలతి తతస్సత్క్షమాం శిక్షయేయమ్ । గృహ్ణీయామీశ తత్తద్విషయపరిచయేఽప్యప్రసక్తిం సమీరాత్ వ్యాప్తత్వంచాత్మనో మే గగనగురువశాద్భాతు నిర్లేపతా చ ॥3

స్వచ్ఛః స్యాం పావనోఽహం మధుర ఉదకవద్వహ్నివన్మా స్మ గృహ్ణాం సర్వాన్నీనోఽపి దోషం తరుషు తమివ మాం సర్వభూతేష్వవేయామ్ । పుష్టిర్నష్టిః కలానాం శశిన ఇవ తనోర్నాత్మనోఽస్తీతి విద్యాం తోయాదివ్యస్తమార్తాండవదపి చ తనుష్వేకతాం త్వత్ప్రసాదాత్ ॥4॥

స్నేహాద్వ్యాధాత్తపుత్రప్రణయమృతకపోతాయితో మా స్మ భూవం ప్రాప్తం ప్రాశ్నన్ సహేయ క్షుధమపి శయువత్ సింధువత్స్యామగాధః । మా పప్తం యోషిదాదౌ శిఖిని శలభవత్ భృంగవత్సారభాగీ భూయాసం కింతు తద్వద్ధనచయనవశాన్మాహమీశ ప్రణేశమ్ ॥5॥

మా బద్ధ్యాసం తరుణ్యా గజ ఇవ వశయా నార్జయేయం ధనౌఘం హర్తాన్యస్తం హి మాధ్వీహర ఇవ మృగవన్మా ముహం గ్రామ్యగీతైః । నాత్యాసజ్జేయ భోజ్యే ఝష ఇవ బలిశే పింగలావన్నిరాశః సుప్యాం భర్తవ్యయోగాత్ కురర ఇవ విభో సామిషోఽన్యైర్న హన్యై ॥6॥

వర్తేయ త్యక్తమానః సుఖమతిశిశువన్నిస్సహాయశ్చరేయం కన్యాయా ఏకశేషో వలయ ఇవ విభో వర్జితాన్యోన్యఘోషః । త్వచ్చిత్తో నావబుధ్యై పరమిషుకృదివ క్ష్మాభృదాయానఘోషం గేహేష్వన్యప్రణీతేష్వహిరివ నివసాన్యుందురోర్మందిరేషు ॥7॥

త్వయ్యేవ త్వత్కృతం త్వం క్షపయసి జగదిత్యూర్ణనాభాత్ ప్రతీయాం త్వచ్చింతా త్వత్స్వరూపం కురుత ఇతి దృఢం శిక్షయే పేశకారాత్ । విడ్భస్మాత్మా చ దేహో భవతి గురువరో యో వివేకం విరక్తిం ధత్తే సంచింత్యమానో మమ తు బహురుజాపీడితోఽయం విశేషాత్ ॥8॥

హీ హీ మే దేహమోహం త్యజ పవనపురాధీశ యత్ప్రేమహేతో- ర్గేహే విత్తే కలత్రాదిషు చ వివశితాస్త్వత్పదం విస్మరంతి । సోఽయం వహ్నేశ్శునో వా పరమిహ పరతః సాంప్రతంచాక్షికర్ణ- త్వగ్జిహ్వాద్యా వికర్షంత్యవశమత ఇతః కోఽపి న త్వత్పదాబ్జే ॥9॥

దుర్వారో దేహమోహో యది పునరధునా తర్హి నిశ్శేషరోగాన్ హృత్వా భక్తిం ద్రఢిష్ఠాం కురు తవ పదపంకేరుహే పంకజాక్ష । నూనం నానాభవాంతే సమధిగతమముం ముక్తిదం విప్రదేహం క్షుద్రే హా హంత మా మా క్షిప విషయరసే పాహి మాం మారుతేశ ॥10॥

ನಾರಾಯಣೀಯಂ ದಶಕ 93 - ಪಂಚವಿಂಶತಿ ಗುರವಃ ಬಗ್ಗೆ

ನಾರಾಯಣೀಯದ ತೊಂಬತ್ಮೂರನೇ ದಶಕ ಭಾಗವತ ಏಕಾದಶ ಸ್ಕಂಧದ ಅವಧೂತನ ಬೋಧನೆಯಿಂದ ತೆಗೆದದ್ದು. ಭಟ್ಟತಿರಿ ಪ್ರಾರ್ಥಿಸುತ್ತಾರೆ: ನಿನ್ನ ಕೃಪೆಯಿಂದ ಬಂಧುಸ್ನೇಹ ಬಿಟ್ಟು, ಮನಸ್ಸನ್ನು ನಿನ್ನಲ್ಲಿಟ್ಟು, ಇಡೀ ಜಗತ್ತನ್ನು ಮಾಯಾವಿಲಾಸವಾಗಿ ಕಾಣುತ್ತ ಅಲೆಯುವಂತಾಗಲಿ. ಭೂಮಿಯ ಸಹನೆ, ವಾಯುವಿನ ನಿಃಸಂಗತೆ, ಆಕಾಶದ ಸರ್ವವ್ಯಾಪಿ ಶುದ್ಧಿ ಮೊದಲಾಗಿ ಅವಧೂತ ಪ್ರಕೃತಿಯಿಂದ ಕಲಿತ ಇಪ್ಪತ್ನಾಲ್ಕು ಗುರುಗಳನ್ನು ನೆನೆದು, ಅನ್ನಪಾನ ಮಾತ್ರ ಬಯಸುವ ಅನಂತ ಜೀವಿಗಳಲ್ಲಿ ವಿಜ್ಞಾನಶಕ್ತಿಯುಳ್ಳ ಮಾನವಜನ್ಮ ದುರ್ಲಭ ಅಮೂಲ್ಯ ಎನ್ನುತ್ತಾರೆ. ದೇಹಮೋಹ ಇನ್ನೂ ಉಳಿದಿದ್ದರೆ ಭಗವಂತ ಆಮಯಗಳನ್ನು ನೀಗಿ ಭಕ್ತಿಯನ್ನು ದೃಢಗೊಳಿಸಲಿ ಎಂದು ಪ್ರಾರ್ಥಿಸಿ ಮುಗಿಸುತ್ತಾರೆ.

ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)

ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.

ನಿಮಗೆ ಗೊತ್ತೇ?

  • ಭೂಮಿಯಿಂದ ಕಣಜದವರೆಗಿನ ಅವಧೂತನ ಇಪ್ಪತ್ನಾಲ್ಕು ಗುರುಗಳನ್ನು ಭಾಗವತ ಏಕಾದಶ ಸ್ಕಂಧ ೭ ರಿಂದ ೯ನೇ ಅಧ್ಯಾಯಗಳಲ್ಲಿ ಯದುರಾಜನಿಗೆ ಹೇಳಲಾಗಿದೆ.
  • ಎಚ್ಚರದ ಮನಸ್ಸಿಗೆ ಪ್ರಕೃತಿಯ ಪ್ರತಿ ಭಾಗವೂ ಗುರುವಾಗಬಲ್ಲದು ಎಂದು ದಶಕ ಕಲಿಸುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಅವಧೂತ ಎಷ್ಟು ಗುರುಗಳಿಂದ ಕಲಿತ?

ಪ್ರಕೃತಿಯಿಂದ ತೆಗೆದ ಇಪ್ಪತ್ನಾಲ್ಕು.

ಈ ದಶಕದಲ್ಲಿ ಮಾನವಜನ್ಮ ಏಕೆ ಅಮೂಲ್ಯ?

ಅದರ ವಿಜ್ಞಾನಶಕ್ತಿಯಿಂದ.

ನಾರಾಯಣೀಯವನ್ನು ಬರೆದವರು ಯಾರು?

೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.