MuhurtaNow

ഗീതഗോവിംദം പംചമഃ സര്ഗഃ - സാകാംക്ഷ പുംഡരീകാക്ഷഃ

Sri Krishna · പരമ്പരാഗത ഭക്തിഗ്രന്ഥം

॥ ಪಂಚಮಃ ಸರ್ಗಃ ॥ ॥ ಸಾಕಾಂಕ್ಷಪುಂಡರೀಕಾಕ್ಷಃ ॥

ಅಹಮಿಹ ನಿವಸಾಮಿ ಯಾಹಿ ರಾಧಾಂ ಅನುನಯ ಮದ್ವಚನೇನ ಚಾನಯೇಥಾಃ । ಇತಿ ಮಧುರಿಪುಣಾ ಸಖೀ ನಿಯುಕ್ತಾ ಸ್ವಯಮಿದಮೇತ್ಯ ಪುನರ್ಜಗಾದ ರಾಧಾಮ್ ॥ 31 ॥

॥ ಗೀತಂ 10 ॥

ವಹತಿ ಮಲಯಸಮೀರೇ ಮದನಮುಪನಿಧಾಯ । ಸ್ಫುಟತಿ ಕುಸುಮನಿಕರೇ ವಿರಹಿಹೃದಯದಲನಾಯ ॥ ತವ ವಿರಹೇ ವನಮಾಲೀ ಸಖಿ ಸೀದತಿ ॥ 1 ॥

ದಹತಿ ಶಿಶಿರಮಯೂಖೇ ಮರಣಮನುಕರೋತಿ । ಪತತಿ ಮದನವಿಶಿಖೇ ವಿಲಪತಿ ವಿಕಲತರೋಽತಿ ॥ 2 ॥

ಧ್ವನತಿ ಮಧುಪಸಮೂಹೇ ಶ್ರವಣಮಪಿದಧಾತಿ । ಮನಸಿ ಚಲಿತವಿರಹೇ ನಿಶಿ ನಿಶಿ ರುಜಮುಪಯಾತಿ ॥ 3 ॥

ವಸತಿ ವಿಪಿನವಿತಾನೇ ತ್ಯಜತಿ ಲಲಿತಧಾಮ । ಲುಠತಿ ಧರಣಿಶಯನೇ ಬಹು ವಿಲಪತಿ ತವ ನಾಮ ॥ 4 ॥

ರಣತಿ ಪಿಕಸಮವಾಯೇ ಪ್ರತಿದಿಶಮನುಯಾತಿ । ಹಸತಿ ಮನುಜನಿಚಯೇ ವಿರಹಮಪಲಪತಿ ನೇತಿ ॥ 5 ॥

ಸ್ಫುರತಿ ಕಲರವರಾವೇ ಸ್ಮರತಿ ಮಣಿತಮೇವ। ತವರತಿಸುಖವಿಭವೇ ಗಣಯತಿ ಸುಗುಣಮತೀವ ॥ 6 ॥

ತ್ವದಭಿಧಶುಭದಮಾಸಂ ವದತಿ ನರಿ ಶೃಣೋತಿ । ತಮಪಿ ಜಪತಿ ಸರಸಂ ಯುವತಿಷು ನ ರತಿಮುಪೈತಿ ॥ 7 ॥

ಭಣತಿ ಕವಿಜಯದೇವೇ ವಿರಹವಿಲಸಿತೇನ । ಮನಸಿ ರಭಸವಿಭವೇ ಹರಿರುದಯತು ಸುಕೃತೇನ ॥ 8 ॥

ಪೂರ್ವಂ ಯತ್ರ ಸಮಂ ತ್ವಯಾ ರತಿಪತೇರಾಸಾದಿತಃ ಸಿದ್ಧಯ-ಸ್ತಸ್ಮಿನ್ನೇವ ನಿಕುಂಜಮನ್ಮಥಮಹಾತೀರ್ಥೇ ಪುನರ್ಮಾಧವಃ । ಧ್ಯಾಯಂಸ್ತ್ವಾಮನಿಶಂ ಜಪನ್ನಪಿ ತವೈವಾಲಾಪಮಂತ್ರಾವಲೀಂ ಭೂಯಸ್ತ್ವತ್ಕುಚಕುಂಭನಿರ್ಭರಪರೀರಂಭಾಮೃತಂ ವಾಂಛತಿ ॥ 32 ॥

॥ ಗೀತಂ 11 ॥

ರತಿಸುಖಸಾರೇ ಗತಮಭಿಸಾರೇ ಮದನಮನೋಹರವೇಶಮ್ । ನ ಕುರು ನಿತಂಬಿನಿ ಗಮನವಿಲಂಬನಮನುಸರ ತಂ ಹೃದಯೇಶಮ್ ॥ ಧೀರಸಮೀರೇ ಯಮುನಾತೀರೇ ವಸತಿ ವನೇ ವನಮಾಲೀ ॥ 1 ॥

ನಾಮ ಸಮೇತಂ ಕೃತಸಂಕೇತಂ ವಾದಯತೇ ಮೃದುವೇಣುಮ್ । ಬಹು ಮನುತೇ ನನು ತೇ ತನುಸಂಗತಪವನಚಲಿತಮಪಿ ರೇಣುಮ್ ॥ 2 ॥

ಪತತಿ ಪತತ್ರೇ ವಿಚಲತಿ ಪತ್ರೇ ಶಂಕಿತಭವದುಪಯಾನಮ್ । ರಚಯತಿ ಶಯನಂ ಸಚಕಿತನಯನಂ ಪಶ್ಯತಿ ತವ ಪಂಥಾನಮ್ ॥ 3 ॥

ಮುಖರಮಧೀರಂ ತ್ಯಜ ಮಂಜೀರಂ ರಿಪುಮಿವ ಕೇಲಿಷುಲೋಲಮ್ । ಚಲ ಸಖಿ ಕುಂಜಂ ಸತಿಮಿರಪುಂಜಂ ಶೀಲಯ ನೀಲನಿಚೋಲಮ್ ॥ 4 ॥

ಉರಸಿ ಮುರಾರೇರುಪಹಿತಹಾರೇ ಘನ ಇವ ತರಲಬಲಾಕೇ । ತಟಿದಿವ ಪೀತೇ ರತಿವಿಪರೀತೇ ರಾಜಸಿ ಸುಕೃತವಿಪಾಕೇ ॥ 5 ॥

ವಿಗಲಿತವಸನಂ ಪರಿಹೃತರಸನಂ ಘಟಯ ಜಘನಮಪಿಧಾನಮ್ । ಕಿಸಲಯಶಯನೇ ಪಂಕಜನಯನೇ ನಿಧಿಮಿವ ಹರ್ಷನಿದಾನಮ್ ॥ 6 ॥

ಹರಿರಭಿಮಾನೀ ರಜನಿರಿದಾನೀಮಿಯಮಪಿ ಯಾತಿ ವಿರಾಮಮ್ । ಕುರು ಮಮ ವಚನಂ ಸತ್ವರರಚನಂ ಪೂರಯ ಮಧುರಿಪುಕಾಮಮ್ ॥ 7 ॥

ಶ್ರೀಜಯದೇವೇ ಕೃತಹರಿಸೇವೇ ಭಣತಿ ಪರಮರಮಣೀಯಮ್ । ಪ್ರಮುದಿತಹೃದಯಂ ಹರಿಮತಿಸದಯಂ ನಮತ ಸುಕೃತಕಮನೀಯಮ್ ॥ 8 ॥

ವಿಕಿರತಿ ಮುಹುಃ ಶ್ವಾಸಾಂದಿಶಃ ಪುರೋ ಮುಹುರೀಕ್ಷತೇ ಪ್ರವಿಶತಿ ಮುಹುಃ ಕುಂಜಂ ಗುಂಜನ್ಮುಹುರ್ಬಹು ತಾಮ್ಯತಿ । ರಚಯತಿ ಮುಹುಃ ಶಯ್ಯಾಂ ಪರ್ಯಾಕುಲಂ ಮುಹುರೀಕ್ಷತೇ ಮದನಕದನಕ್ಲಾಂತಃ ಕಾಂತೇ ಪ್ರಿಯಸ್ತವ ವರ್ತತೇ ॥ 33 ॥

ತ್ವದ್ವಾಮ್ಯೇನ ಸಮಂ ಸಮಗ್ರಮಧುನಾ ತಿಗ್ಮಾಂಶುರಸ್ತಂ ಗತೋ ಗೋವಿಂದಸ್ಯ ಮನೋರಥೇನ ಚ ಸಮಂ ಪ್ರಾಪ್ತಂ ತಮಃ ಸಾಂದ್ರತಾಮ್ । ಕೋಕಾನಾಂ ಕರುಣಸ್ವನೇನ ಸದೃಶೀ ದೀರ್ಘಾ ಮದಭ್ಯರ್ಥನಾ ತನ್ಮುಗ್ಧೇ ವಿಫಲಂ ವಿಲಂಬನಮಸೌ ರಮ್ಯೋಽಭಿಸಾರಕ್ಷಣಃ ॥ 34 ॥

ಆಶ್ಲೇಷಾದನು ಚುಂಬನಾದನು ನಖೋಲ್ಲೇಖಾದನು ಸ್ವಾಂತಜ-ಪ್ರೋದ್ಬೋಧಾದನು ಸಂಭ್ರಮಾದನು ರತಾರಂಭಾದನು ಪ್ರೀತಯೋಃ । ಅನ್ಯಾರ್ಥಂ ಗತಯೋರ್ಭ್ರಮಾನ್ಮಿಲಿತಯೋಃ ಸಂಭಾಷಣೈರ್ಜಾನತೋ-ರ್ದಂಪತ್ಯೋರಿಹ ಕೋ ನ ಕೋ ನ ತಮಸಿ ವ್ರೀಡಾವಿಮಿಶ್ರೋ ರಸಃ ॥ 35 ॥

ಸಭಯಚಕಿತಂ ವಿನ್ಯಸ್ಯಂತೀಂ ದೃಶೌ ತಿಮಿರೇ ಪಥಿ ಪ್ರತಿತರು ಮುಹುಃ ಸ್ಥಿತ್ವಾ ಮಂದಂ ಪದಾನಿ ವಿತನ್ವತೀಮ್ । ಕಥಮಪಿ ರಹಃ ಪ್ರಾಪ್ತಾಮಂಗೈರನಂಗತರಂಗಿಭಿಃ ಸುಮುಖಿ ಸುಭಗಃ ಪಶ್ಯನ್ಸ ತ್ವಾಮುಪೈತು ಕೃತಾರ್ಥತಾಮ್ ॥ 36 ॥

ರಾಧಾಮುಗ್ಧಮುಖಾರವಿಂದಮಧುಪಸ್ತ್ರೈಲೋಕ್ಯಮೌಲಿಸ್ಥಲೀ ನೇಪಥ್ಯೋಚಿತನೀಲರತ್ನಮವನೀಭಾರಾವತಾರಾಂತಕಃ। ಸ್ವಚ್ಛಂದಂ ವ್ರಜಸುಬ್ದರೀಜನಮನಸ್ತೋಷಪ್ರದೋಷೋದಯಃ ಕಂಸಧ್ವಂಸನಧೂಮಕೇತುರವತು ತ್ವಾಂ ದೇವಕೀನಂದನಃ॥ 36 + 1 ॥

॥ ಇತಿ ಶ್ರೀಗೀತಗೋವಿಂದೇಽಭಿಸಾರಿಕವರ್ಣನೇ ಸಾಕಾಂಕ್ಷಪುಂಡರೀಕಾಕ್ಷೋ ನಾಮ ಪಂಚಮಃ ಸರ್ಗಃ ॥

ഗീതഗോവിംദം പംചമഃ സര്ഗഃ - സാകാംക്ഷ പുംഡരീകാക്ഷഃ - ഒരു പരിചയം

The fifth canto of Jayadeva's Gita Govinda, "Sakanksha Pundarikaksha" (the longing lotus-eyed one), shows Krishna sending Radha's friend back to her: "I will stay here; go to Radha, win her over with my words and bring her." The friend tells Radha of Krishna's longing: he waits for her in the grove by the Yamuna, where the soft breeze blows, playing her name on his flute and preparing a bed of leaves; she urges Radha to go to the meeting place (abhisara) without delay.

രചയിതാവ്: Jayadeva (12th century)

എപ്പോൾ ജപിക്കാം: In Odissi and other classical dance, in Ashtapadi singing, and in Krishna temples, especially at Puri.

നിങ്ങൾക്കറിയാമോ?

  • Its ashtapadi "Dhira samire yamuna tire vasati vane vanamali", "by the Yamuna, in the gentle breeze, the garlanded one waits in the forest", is among the most famous songs of the Gita Govinda.
  • The canto describes the abhisarika, the heroine who goes out to meet her beloved.

പതിവ് ചോദ്യങ്ങൾ

What does Krishna ask the friend to do?

To go to Radha and bring her to him.

Where does Krishna wait?

In the grove by the Yamuna, in the gentle breeze.

Who wrote the Gita Govinda?

Jayadeva, in the 12th century.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.