MuhurtaNow

ഗീതഗോവിംദം പംചമഃ സര്ഗഃ - സാകാംക്ഷ പുംഡരീകാക്ഷഃ

Sri Krishna · പരമ്പരാഗത ഭക്തിഗ്രന്ഥം

॥ పంచమః సర్గః ॥ ॥ సాకాంక్షపుండరీకాక్షః ॥

అహమిహ నివసామి యాహి రాధాం అనునయ మద్వచనేన చానయేథాః । ఇతి మధురిపుణా సఖీ నియుక్తా స్వయమిదమేత్య పునర్జగాద రాధామ్ ॥ 31 ॥

॥ గీతం 10 ॥

వహతి మలయసమీరే మదనముపనిధాయ । స్ఫుటతి కుసుమనికరే విరహిహృదయదలనాయ ॥ తవ విరహే వనమాలీ సఖి సీదతి ॥ 1 ॥

దహతి శిశిరమయూఖే మరణమనుకరోతి । పతతి మదనవిశిఖే విలపతి వికలతరోఽతి ॥ 2 ॥

ధ్వనతి మధుపసమూహే శ్రవణమపిదధాతి । మనసి చలితవిరహే నిశి నిశి రుజముపయాతి ॥ 3 ॥

వసతి విపినవితానే త్యజతి లలితధామ । లుఠతి ధరణిశయనే బహు విలపతి తవ నామ ॥ 4 ॥

రణతి పికసమవాయే ప్రతిదిశమనుయాతి । హసతి మనుజనిచయే విరహమపలపతి నేతి ॥ 5 ॥

స్ఫురతి కలరవరావే స్మరతి మణితమేవ। తవరతిసుఖవిభవే గణయతి సుగుణమతీవ ॥ 6 ॥

త్వదభిధశుభదమాసం వదతి నరి శృణోతి । తమపి జపతి సరసం యువతిషు న రతిముపైతి ॥ 7 ॥

భణతి కవిజయదేవే విరహవిలసితేన । మనసి రభసవిభవే హరిరుదయతు సుకృతేన ॥ 8 ॥

పూర్వం యత్ర సమం త్వయా రతిపతేరాసాదితః సిద్ధయ-స్తస్మిన్నేవ నికుంజమన్మథమహాతీర్థే పునర్మాధవః । ధ్యాయంస్త్వామనిశం జపన్నపి తవైవాలాపమంత్రావలీం భూయస్త్వత్కుచకుంభనిర్భరపరీరంభామృతం వాంఛతి ॥ 32 ॥

॥ గీతం 11 ॥

రతిసుఖసారే గతమభిసారే మదనమనోహరవేశమ్ । న కురు నితంబిని గమనవిలంబనమనుసర తం హృదయేశమ్ ॥ ధీరసమీరే యమునాతీరే వసతి వనే వనమాలీ ॥ 1 ॥

నామ సమేతం కృతసంకేతం వాదయతే మృదువేణుమ్ । బహు మనుతే నను తే తనుసంగతపవనచలితమపి రేణుమ్ ॥ 2 ॥

పతతి పతత్రే విచలతి పత్రే శంకితభవదుపయానమ్ । రచయతి శయనం సచకితనయనం పశ్యతి తవ పంథానమ్ ॥ 3 ॥

ముఖరమధీరం త్యజ మంజీరం రిపుమివ కేలిషులోలమ్ । చల సఖి కుంజం సతిమిరపుంజం శీలయ నీలనిచోలమ్ ॥ 4 ॥

ఉరసి మురారేరుపహితహారే ఘన ఇవ తరలబలాకే । తటిదివ పీతే రతివిపరీతే రాజసి సుకృతవిపాకే ॥ 5 ॥

విగలితవసనం పరిహృతరసనం ఘటయ జఘనమపిధానమ్ । కిసలయశయనే పంకజనయనే నిధిమివ హర్షనిదానమ్ ॥ 6 ॥

హరిరభిమానీ రజనిరిదానీమియమపి యాతి విరామమ్ । కురు మమ వచనం సత్వరరచనం పూరయ మధురిపుకామమ్ ॥ 7 ॥

శ్రీజయదేవే కృతహరిసేవే భణతి పరమరమణీయమ్ । ప్రముదితహృదయం హరిమతిసదయం నమత సుకృతకమనీయమ్ ॥ 8 ॥

వికిరతి ముహుః శ్వాసాందిశః పురో ముహురీక్షతే ప్రవిశతి ముహుః కుంజం గుంజన్ముహుర్బహు తామ్యతి । రచయతి ముహుః శయ్యాం పర్యాకులం ముహురీక్షతే మదనకదనక్లాంతః కాంతే ప్రియస్తవ వర్తతే ॥ 33 ॥

త్వద్వామ్యేన సమం సమగ్రమధునా తిగ్మాంశురస్తం గతో గోవిందస్య మనోరథేన చ సమం ప్రాప్తం తమః సాంద్రతామ్ । కోకానాం కరుణస్వనేన సదృశీ దీర్ఘా మదభ్యర్థనా తన్ముగ్ధే విఫలం విలంబనమసౌ రమ్యోఽభిసారక్షణః ॥ 34 ॥

ఆశ్లేషాదను చుంబనాదను నఖోల్లేఖాదను స్వాంతజ-ప్రోద్బోధాదను సంభ్రమాదను రతారంభాదను ప్రీతయోః । అన్యార్థం గతయోర్భ్రమాన్మిలితయోః సంభాషణైర్జానతో-ర్దంపత్యోరిహ కో న కో న తమసి వ్రీడావిమిశ్రో రసః ॥ 35 ॥

సభయచకితం విన్యస్యంతీం దృశౌ తిమిరే పథి ప్రతితరు ముహుః స్థిత్వా మందం పదాని వితన్వతీమ్ । కథమపి రహః ప్రాప్తామంగైరనంగతరంగిభిః సుముఖి సుభగః పశ్యన్స త్వాముపైతు కృతార్థతామ్ ॥ 36 ॥

రాధాముగ్ధముఖారవిందమధుపస్త్రైలోక్యమౌలిస్థలీ నేపథ్యోచితనీలరత్నమవనీభారావతారాంతకః। స్వచ్ఛందం వ్రజసుబ్దరీజనమనస్తోషప్రదోషోదయః కంసధ్వంసనధూమకేతురవతు త్వాం దేవకీనందనః॥ 36 + 1 ॥

॥ ఇతి శ్రీగీతగోవిందేఽభిసారికవర్ణనే సాకాంక్షపుండరీకాక్షో నామ పంచమః సర్గః ॥

ഗീതഗോവിംദം പംചമഃ സര്ഗഃ - സാകാംക്ഷ പുംഡരീകാക്ഷഃ - ഒരു പരിചയം

The fifth canto of Jayadeva's Gita Govinda, "Sakanksha Pundarikaksha" (the longing lotus-eyed one), shows Krishna sending Radha's friend back to her: "I will stay here; go to Radha, win her over with my words and bring her." The friend tells Radha of Krishna's longing: he waits for her in the grove by the Yamuna, where the soft breeze blows, playing her name on his flute and preparing a bed of leaves; she urges Radha to go to the meeting place (abhisara) without delay.

രചയിതാവ്: Jayadeva (12th century)

എപ്പോൾ ജപിക്കാം: In Odissi and other classical dance, in Ashtapadi singing, and in Krishna temples, especially at Puri.

നിങ്ങൾക്കറിയാമോ?

  • Its ashtapadi "Dhira samire yamuna tire vasati vane vanamali", "by the Yamuna, in the gentle breeze, the garlanded one waits in the forest", is among the most famous songs of the Gita Govinda.
  • The canto describes the abhisarika, the heroine who goes out to meet her beloved.

പതിവ് ചോദ്യങ്ങൾ

What does Krishna ask the friend to do?

To go to Radha and bring her to him.

Where does Krishna wait?

In the grove by the Yamuna, in the gentle breeze.

Who wrote the Gita Govinda?

Jayadeva, in the 12th century.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.