MuhurtaNow

சாணக்ய நீதி - த்³வாத³ஶோத்⁴யாய:

Chanakya Neethi · பாரம்பரிய பக்தி நூல்

സാനംദം സദനം സുതാസ്തു സുധിയഃ കാംതാ പ്രിയാലാപിനീ ഇച്ഛാപൂര്തിധനം സ്വയോഷിതി രതിഃ സ്വാജ്ഞാപരാഃ സേവകാഃ । ആതിഥ്യം ശിവപൂജനം പ്രതിദിനം മിഷ്ടാന്നപാനം ഗൃഹേ സാധോഃ സംഗമുപാസതേ ച സതതം ധന്യോ ഗൃഹസ്ഥാശ്രമഃ ॥ 01 ॥

ആര്തേഷു വിപ്രേഷു ദയാന്വിതശ്ച യച്ഛ്രദ്ധയാ സ്വല്പമുപൈതി ദാനമ് । അനംതപാരമുപൈതി രാജന് യദ്ദീയതേ തന്ന ലഭേദ്ദ്വിജേഭ്യഃ ॥ 02 ॥

ദാക്ഷിണ്യം സ്വജനേ ദയാ പരജനേ ശാഠ്യം സദാ ദുര്ജനേ പ്രീതിഃ സാധുജനേ സ്മയഃ ഖലജനേ വിദ്വജ്ജനേ ചാര്ജവമ് । ശൌര്യം ശത്രുജനേ ക്ഷമാ ഗുരുജനേ നാരീജനേ ധൂര്തതാ ഇത്ഥം യേ പുരുഷാ കലാസു കുശലാസ്തേഷ്വേവ ലോകസ്ഥിതിഃ ॥ 03 ॥

ഹസ്തൌ ദാനവിവര്ജിതൌ ശ്രുതിപുടൌ സാരസ്വതദ്രോഹിണൌ നേത്രേ സാധുവിലോകനേന രഹിതേ പാദൌ ന തീര്ഥം ഗതൌ । അന്യായാര്ജിതവിത്തപൂര്ണമുദരം ഗർവേണ തുംഗം ശിരോ രേ രേ ജംബുക മുംച മുംച സഹസാ നീചം സുനിംദ്യം വപുഃ ॥ 04 ॥

യേഷാം ശ്രീമദ്യശോദാസുതപദകമലേ നാസ്തി ഭക്തിര്നരാണാം യേഷാമാഭീരകന്യാപ്രിയഗുണകഥനേ നാനുരക്താ രസജ്ഞാ । യേഷാം ശ്രീകൃഷ്ണലീലാലലിതരസകഥാസാദരൌ നൈവ കര്ണൌ ധിക് താന് ധിക് താന് ധിഗേതാന് കഥയതി സതതം കീര്തനസ്ഥോ മൃദംഗഃ ॥ 05 ॥

പത്രം നൈവ യദാ കരീലവിടപേ ദോഷോ വസംതസ്യ കിം നോലൂകോഽപ്യവലോകതേ യദി ദിവാ സൂര്യസ്യ കിം ദൂഷണമ് । വര്ഷാ നൈവ പതംതി ചാതകമുഖേ മേഘസ്യ കിം ദൂഷണം യത്പൂർവം വിധിനാ ലലാടലിഖിതം തന്മാര്ജിതും കഃ ക്ഷമഃ ॥ 06 ॥

സത്സംഗാദ്ഭവതി ഹി സാധുനാ ഖലാനാം സാധൂനാം ന ഹി ഖലസംഗതഃ ഖലത്വമ് । ആമോദം കുസുമഭവം മൃദേവ ധത്തേ മൃദ്ഗംധം നഹി കുസുമാനി ധാരയംതി ॥ 07 ॥

സാധൂനാം ദര്ശനം പുണ്യം തീര്ഥഭൂതാ ഹി സാധവഃ । കാലേന ഫലതേ തീര്ഥം സദ്യഃ സാധുസമാഗമഃ ॥ 08 ॥

വിപ്രാസ്മിന്നഗരേ മഹാന്കഥയ കസ്താലദ്രുമാണാം ഗണഃ കോ ദാതാ രജകോ ദദാതി വസനം പ്രാതര്ഗൃഹീത്വാ നിശി । കോ ദക്ഷഃ പരവിത്തദാരഹരണേ സർവോഽപി ദക്ഷോ ജനഃ കസ്മാജ്ജീവസി ഹേ സഖേ വിഷകൃമിന്യായേന ജീവാമ്യഹമ് ॥ 09 ॥

ന വിപ്രപാദോദകകര്ദമാണി ന വേദശാസ്ത്രധ്വനിഗര്ജിതാനി । സ്വാഹാസ്വധാകാരവിവര്ജിതാനി ശ്മശാനതുല്യാനി ഗൃഹാണി താനി ॥ 10 ॥

സത്യം മാതാ പിതാ ജ്ഞാനം ധര്മോ ഭ്രാതാ ദയാ സഖാ । ശാംതിഃ പത്നീ ക്ഷമാ പുത്രഃ ഷഡേതേ മമ ബാംധവാഃ ॥ 11 ॥

അനിത്യാനി ശരീരാണി വിഭവോ നൈവ ശാശ്വതഃ । നിത്യം സംനിഹിതോ മൃത്യുഃ കര്തവ്യോ ധര്മസംഗ്രഹഃ ॥ 12 ॥

നിമംത്രോത്സവാ വിപ്രാ ഗാവോ നവതൃണോത്സവാഃ । പത്യുത്സാഹയുതാ ഭാര്യാ അഹം കൃഷ്ണചരണോത്സവഃ ॥ 13 ॥

മാതൃവത്പരദാരേഷു പരദ്രവ്യേഷു ലോഷ്ട്രവത് । ആത്മവത്സർവഭൂതേഷു യഃ പശ്യതി സ പംഡിതഃ ॥ 14 ॥

ധര്മേ തത്പരതാ മുഖേ മധുരതാ ദാനേ സമുത്സാഹതാ മിത്രേഽവംചകതാ ഗുരൌ വിനയതാ ചിത്തേഽതിമഭീരതാ । ആചാരേ ശുചിതാ ഗുണേ രസികതാ ശാസ്ത്രേഷു വിജ്ഞാനതാ രൂപേ സുംദരതാ ശിവേ ഭജനതാ ത്വയ്യസ്തി ഭോ രാഘവ ॥ 15 ॥

കാഷ്ഠം കല്പതരുഃ സുമേരുചലശ്ചിംതാമണിഃ പ്രസ്തരഃ സൂര്യാസ്തീവ്രകരഃ ശശീ ക്ഷയകരഃ ക്ഷാരോ ഹി വാരാം നിധിഃ । കാമോ നഷ്ടതനുർവലിര്ദിതിസുതോ നിത്യം പശുഃ കാമഗൌ- ര്നൈതാംസ്തേ തുലയാമി ഭോ രഘുപതേ കസ്യോപമാ ദീയതേ ॥ 16 ॥

വിദ്യാ മിത്രം പ്രവാസേ ച ഭാര്യാ മിത്രം ഗൃഹേഷു ച । വ്യാധിതസ്യൌഷധം മിത്രം ധര്മോ മിത്രം മൃതസ്യ ച ॥ 17 ॥

വിനയം രാജപുത്രേഭ്യഃ പംഡിതേഭ്യഃ സുഭാഷിതമ് । അനൃതം ദ്യൂതകാരേഭ്യഃ സ്ത്രീഭ്യഃ ശിക്ഷേത കൈതവമ് ॥ 18 ॥

അനാലോക്യ വ്യയം കര്താ അനാഥഃ കലഹപ്രിയഃ । ആതുരഃ സർവക്ഷേത്രേഷു നരഃ ശീഘ്രം വിനശ്യതി ॥ 19 ॥

നാഹാരം ചിംതയേത്പ്രാജ്ഞോ ധര്മമേകം ഹി ചിംതയേത് । ആഹാരോ ഹി മനുഷ്യാണാം ജന്മനാ സഹ ജായതേ ॥ 20 ॥

ധനധാന്യപ്രയോഗേഷു വിദ്യാസംഗ്രഹണേ തഥാ । ആഹാരേ വ്യവഹാരേ ച ത്യക്തലജ്ജഃ സുഖീ ഭവേത് ॥ 21 ॥

ജലബിംദുനിപാതേന ക്രമശഃ പൂര്യതേ ഘടഃ । സ ഹേതുഃ സർവവിദ്യാനാം ധര്മസ്യ ച ധനസ്യ ച ॥ 22 ॥

വയസഃ പരിണാമേഽപി യഃ ഖലഃ ഖല ഏവ സഃ । സംപക്വമപി മാധുര്യം നോപയാതീംദ്രവാരുണമ് ॥ 23 ॥

சாணக்ய நீதி - த்³வாத³ஶோத்⁴யாய: பற்றி

This is the twelfth chapter of the Chanakya Niti, maxims traditionally attributed to Chanakya (Kautilya). It opens with a picture of a happy household: a joyful home, wise children, a sweet-speaking spouse, enough wealth for one's wishes, faithful companionship, obedient helpers, hospitality, worship of Shiva, good food and drink every day, and the company of good people. It says that a little given with faith to those in distress and to the learned brings endless return, and ends with the verse that a wicked person stays wicked even in old age, just as the bitter indravaruni fruit never turns sweet, however ripe it grows.

இயற்றியவர்: Traditionally attributed to Chanakya (Kautilya)

எப்போது பாராயணம் செய்வது: In reading and study of practical wisdom (niti), and in talks on conduct.

உங்களுக்குத் தெரியுமா?

  • The verse about the bitter fruit that never sweetens is a well-known image of a fixed nature.
  • Some verses of the Chanakya Niti reflect the attitudes of their age and are read today with that in mind.

அடிக்கடி கேட்கப்படும் கேள்விகள்

What does the first verse describe?

The marks of a happy household.

What brings endless return?

A little given with faith to those in distress and to the learned.

To what is the wicked person compared?

A bitter fruit that never turns sweet.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.