சாணக்ய நீதி - ஸப்தத³ஶோத்⁴யாய:
Chanakya Neethi · பாரம்பரிய பக்தி நூல்
పుస్తకప్రత్యయాధీతం నాధీతం గురుసన్నిధౌ । సభామధ్యే న శోభంతే జారగర్భా ఇవ స్త్రియః ॥ 01 ॥
కృతే ప్రతికృతిం కుర్యాద్ధింసనే ప్రతిహింసనమ్ । తత్ర దోషో న పతతి దుష్టే దుష్టం సమాచరేత్ ॥ 02 ॥
యద్దూరం యద్దురారాధ్యం యచ్చ దూరే వ్యవస్థితమ్ । తత్సర్వం తపసా సాధ్యం తపో హి దురతిక్రమం ॥ 03 ॥
లోభశ్చేదగుణేన కిం పిశునతా యద్యస్తి కిం పాతకైః సత్యం చేత్తపసా చ కిం శుచి మనో యద్యస్తి తీర్థేన కిమ్ । సౌజన్యం యది కిం గుణైః సుమహిమా యద్యస్తి కిం మండనైః సద్విద్యా యది కిం ధనైరపయశో యద్యస్తి కిం మృత్యునా ॥ 04 ॥
పితా రత్నాకరో యస్య లక్ష్మీర్యస్య సహోదరా । శంఖో భిక్షాటనం కుర్యాన్న దత్తముపతిష్ఠతే ॥ 05 ॥
అశక్తస్తు భవేత్సాధు-ర్బ్రహ్మచారీ వా నిర్ధనః । వ్యాధితో దేవభక్తశ్చ వృద్ధా నారీ పతివ్రతా ॥ 06 ॥
నాఽన్నోదకసమం దానం న తిథిర్ద్వాదశీ సమా । న గాయత్ర్యాః పరో మంత్రో న మాతుర్దైవతం పరం ॥ 07 ॥
తక్షకస్య విషం దంతే మక్షికాయాస్తు మస్తకే । వృశ్చికస్య విషం పుచ్ఛే సర్వాంగే దుర్జనే విషం ॥ 08 ॥
పత్యురాజ్ఞాం వినా నారీ హ్యుపోష్య వ్రతచారిణీ । ఆయుష్యం హరతే భర్తుః సా నారీ నరకం వ్రజేత్ ॥ 09 ॥
న దానైః శుధ్యతే నారీ నోపవాసశతైరపి । న తీర్థసేవయా తద్వద్భర్తుః పదోదకైర్యథా ॥ 10 ॥
పాదశేషం పీతశేషం సంధ్యాశేషం తథైవ చ । శ్వానమూత్రసమం తోయం పీత్వా చాంద్రాయణం చరేత్ ॥ 11 ॥
దానేన పాణిర్న తు కంకణేన స్నానేన శుద్ధిర్న తు చందనేన । మానేన తృప్తిర్న తు భోజనేన జ్ఞానేన ముక్తిర్న తు ముండనేన ॥ 12 ॥
నాపితస్య గృహే క్షౌరం పాషాణే గంధలేపనమ్ । ఆత్మరూపం జలే పశ్యన్ శక్రస్యాపి శ్రియం హరేత్ ॥ 13 ॥
సద్యః ప్రజ్ఞాహరా తుండీ సద్యః ప్రజ్ఞాకరీ వచా । సద్యః శక్తిహరా నారీ సద్యః శక్తికరం పయః ॥ 14 ॥
పరోపకరణం యేషాం జాగర్తి హృదయే సతామ్ । నశ్యంతి విపదస్తేషాం సంపదః స్యుః పదే పదే ॥ 15 ॥
యది రామా యది చ రమా యది తనయో వినయగుణోపేతః । తనయే తనయోత్పత్తిః సురవరనగరే కిమాధిక్యం ॥ 16 ॥
ఆహారనిద్రాభయమైథునాని సమాని చైతాని నృణాం పశూనామ్ । జ్ఞానం నరాణామధికో విశేషో జ్ఞానేన హీనాః పశుభిః సమానాః ॥ 17 ॥
దానార్థినో మధుకరా యది కర్ణతాలైర్దూరీకృతాః దూరీకృతాః కరివరేణ మదాంధబుద్ధ్యా । తస్యైవ గండయుగ్మమండనహానిరేషా భృంగాః పునర్వికచపద్మవనే వసంతి ॥ 18 ॥
రాజా వేశ్యా యమశ్చాగ్నిస్తస్కరో బాలయాచకౌ । పరదుఃఖం న జానంతి అష్టమో గ్రామకంటకః ॥ 19 ॥
అధః పశ్యసి కిం బాలే పతితం తవ కిం భువి । రే రే మూర్ఖ న జానాసి గతం తారుణ్యమౌక్తికం ॥ 20 ॥
వ్యాలాశ్రయాపి వికలాపి సకంటకాపి వక్రాపి పంకిలభవాపి దురాసదాపి । గంధేన బంధురసి కేతకి సర్వజంతా రేకో గుణః ఖలు నిహంతి సమస్తదోషాన్ ॥ 21 ॥
சாணக்ய நீதி - ஸப்தத³ஶோத்⁴யாய: பற்றி
This is the seventeenth chapter of the Chanakya Niti, maxims traditionally attributed to Chanakya (Kautilya). It opens by saying that knowledge picked up from books alone, without learning at the feet of a teacher, does not shine in an assembly. It adds that one may answer a deed in kind, and closes with a much-loved verse to the ketaki flower: though snakes dwell in it, though it is thorny, crooked, born of mud and hard to reach, its fragrance makes it dear to all; a single great virtue can outweigh every fault.
இயற்றியவர்: Traditionally attributed to Chanakya (Kautilya)
எப்போது பாராயணம் செய்வது: In reading and study of practical wisdom (niti), and in talks on conduct.
உங்களுக்குத் தெரியுமா?
- The ketaki verse is often quoted to show that one great quality can redeem many faults.
- Some verses of the Chanakya Niti reflect the attitudes of their age and are read today with that in mind.
அடிக்கடி கேட்கப்படும் கேள்விகள்
What does the first verse say about book learning?
Without a teacher, it does not shine in an assembly.
Why is the ketaki dear to all?
For its fragrance, despite its faults.
Who is it attributed to?
Traditionally to Chanakya.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்