MuhurtaNow

சாணக்ய நீதி - த்³விதீயோத்⁴யாய:

Chanakya Neethi · பாரம்பரிய பக்தி நூல்

అనృతం సాహసం మాయా మూర్ఖత్వమతిలోభితా । అశౌచత్వం నిర్దయత్వం స్త్రీణాం దోషాః స్వభావజాః ॥ 01 ॥

భోజ్యం భోజనశక్తిశ్చ రతిశక్తిర్వరాంగనా । విభవో దానశక్తిశ్చ నాల్పస్య తపసః ఫలం ॥ 02 ॥

యస్య పుత్రో వశీభూతో భార్యా ఛందానుగామినీ । విభవే యశ్చ సంతుష్టస్తస్య స్వర్గ ఇహైవ హి ॥ 03 ॥

తే పుత్రా యే పితుర్భక్తాః స పితా యస్తు పోషకః । తన్మిత్రం యత్ర విశ్వాసః సా భార్యా యత్ర నిర్వృతిః ॥ 04 ॥

పరోక్షే కార్యహంతారం ప్రత్యక్షే ప్రియవాదినమ్ । వర్జయేత్తాదృశం మిత్రం విషకుంభం పయోముఖం ॥ 05 ॥

న విశ్వసేత్కుమిత్రే చ మిత్రే చాపి న విశ్వసేత్ । కదాచిత్కుపితం మిత్రం సర్వం గుహ్యం ప్రకాశయేత్ ॥ 06 ॥

మనసా చింతితం కార్యం వాచా నైవ ప్రకాశయేత్ । మంత్రేణ రక్షయేద్గూఢం కార్యే చాపి నియోజయేత్ ॥ 07 ॥

కష్టం చ ఖలు మూర్ఖత్వం కష్టం చ ఖలు యౌవనమ్ । కష్టాత్కష్టతరం చైవ పరగేహనివాసనం ॥ 08 ॥

శైలే శైలే చ మాణిక్యం మౌక్తికం న గజే గజే । సాధవో న హి సర్వత్ర చందనం న వనే వనే ॥ 09 ॥

పుత్రాశ్చ వివిధైః శీలైర్నియోజ్యాః సతతం బుధైః । నీతిజ్ఞాః శీలసంపన్నా భవంతి కులపూజితాః ॥ 10 ॥

మాతా శత్రుః పితా వైరీ యాభ్యాం బాలా న పాఠితాః । సభామధ్యే న శోభంతే హంసమధ్యే బకో యథా ॥ 11 ॥

లాలనాద్బహవో దోషాస్తాడనే బహవో గుణాః । తస్మాత్పుత్రం చ శిష్యం చ తాడయేన్న తు లాలయేత్ ॥ 12 ॥

శ్లోకేన వా తదర్ధేన తదర్ధార్ధాక్షరేణ వా । అబంధ్యం దివసం కుర్యాద్దానాధ్యయనకర్మభిః ॥ 13 ॥

కాంతావియోగః స్వజనాపమానం ఋణస్య శేషం కునృపస్య సేవా । దారిద్ర్యభావాద్విముఖం చ మిత్రం వినాగ్నినా పంచ దహంతి కాయం ॥ 14 ॥

నదీతీరే చ యే వృక్షాః పరగేహేషు కామినీ । మంత్రహీనాశ్చ రాజానః శీఘ్రం నశ్యంత్యసంశయం ॥ 15 ॥

బలం విద్యా చ విప్రాణాం రాజ్ఞాం సైన్యం బలం తథా । బలం విత్తం చ వైశ్యానాం శూద్రాణాం పారిచర్యకం ॥ 16 ॥

నిర్ధనం పురుషం వేశ్యా ప్రజా భగ్నం నృపం త్యజేత్ । ఖగా వీతఫలం వృక్షం భుక్త్వా చాభ్యాగతో గృహం ॥ 17 ॥

గృహీత్వా దక్షిణాం విప్రాస్త్యజంతి యజమానకమ్ । ప్రాప్తవిద్యా గురుం శిష్యా దగ్ధారణ్యం మృగాస్తథా ॥ 18 ॥

దురాచారీ దురాదృష్టిర్దురావాసీ చ దుర్జనః । యన్మైత్రీ క్రియతే పుంభిర్నరః శీఘ్రం వినశ్యతి ॥ 19 ॥

సమానే శోభతే ప్రీతిః రాజ్ఞి సేవా చ శోభతే । వాణిజ్యం వ్యవహారేషు దివ్యా స్త్రీ శోభతే గృహే ॥ 20 ॥

சாணக்ய நீதி - த்³விதீயோத்⁴யாய: பற்றி

The second chapter of Chanakya Niti is a set of twenty practical sayings on life, people and society, in the blunt style of its time. It warns against false friends, values a good education and good company, speaks of the duties of parents and children, and observes that things shine in their proper place: friendship among equals, service to a king, trade in business, and a good woman in the home.

இயற்றியவர்: Traditionally attributed to Chanakya (Kautilya)

எப்போது பாராயணம் செய்வது: For reading and reflection, at any time.

உங்களுக்குத் தெரியுமா?

  • Its best-known verse warns against a friend who speaks sweetly to your face but harms you behind your back, calling him "a pot of poison with milk on top".
  • Like much old wisdom literature, some of its views on women and caste reflect its own age and are read today with that in mind.

அடிக்கடி கேட்கப்படும் கேள்விகள்

What is Chanakya Niti?

A collection of practical sayings on life and conduct.

Who is it attributed to?

Chanakya (Kautilya), adviser to Chandragupta Maurya.

What does chapter 2 warn against?

False friends who flatter to your face and harm you behind your back.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.