சாணக்ய நீதி - ஸப்தமோத்⁴யாய:
Chanakya Neethi · பாரம்பரிய பக்தி நூல்
అర్థనాశం మనస్తాపం గృహే దుశ్చరితాని చ । వంచనం చాపమానం చ మతిమాన్న ప్రకాశయేత్ ॥ 01 ॥
ధనధాన్యప్రయోగేషు విద్యాసంగ్రహణే తథా । ఆహారే వ్యవహారే చ త్యక్తలజ్జః సుఖీ భవేత్ ॥ 02 ॥
సంతోషామృతతృప్తానాం యత్సుఖం శాంతిరేవ చ । న చ తద్ధనలుబ్ధానామితశ్చేతశ్చ ధావతాం ॥ 03 ॥
సంతోషస్త్రిషు కర్తవ్యః స్వదారే భోజనే ధనే । త్రిషు చైవ న కర్తవ్యోఽధ్యయనే జపదానయోః ॥ 04 ॥
విప్రయోర్విప్రవహ్న్యోశ్చ దంపత్యోః స్వామిభృత్యయోః । అంతరేణ న గంతవ్యం హలస్య వృషభస్య చ ॥ 05 ॥
పాదాభ్యాం న స్పృశేదగ్నిం గురుం బ్రాహ్మణమేవ చ । నైవ గాం న కుమారీం చ న వృద్ధం న శిశుం తథా ॥ 06 ॥
శకటం పంచహస్తేన దశహస్తేన వాజినమ్ । గజం హస్తసహస్రేణ దేశత్యాగేన దుర్జనం ॥ 07 ॥
హస్తీ అంకుశమాత్రేణ వాజీ హస్తేన తాడ్యతే । శఋంగీ లగుడహస్తేన ఖడ్గహస్తేన దుర్జనః ॥ 08 ॥
తుష్యంతి భోజనే విప్రా మయూరా ఘనగర్జితే । సాధవః పరసంపత్తౌ ఖలాః పరవిపత్తిషు ॥ 09 ॥
అనులోమేన బలినం ప్రతిలోమేన దుర్జనమ్ । ఆత్మతుల్యబలం శత్రుం వినయేన బలేన వా ॥ 10 ॥
బాహువీర్యం బలం రాజ్ఞాం బ్రహ్మణో బ్రహ్మవిద్బలీ । రూపయౌవనమాధుర్యం స్త్రీణాం బలమనుత్తమం ॥ 11 ॥
నాత్యంతం సరలైర్భావ్యం గత్వా పశ్య వనస్థలీమ్ । ఛిద్యంతే సరలాస్తత్ర కుబ్జాస్తిష్ఠంతి పాదపాః ॥ 12 ॥
యత్రోదకం తత్ర వసంతి హంసా- స్తథైవ శుష్కం పరివర్జయంతి । న హంసతుల్యేన నరేణ భావ్యం పునస్త్యజంతః పునరాశ్రయంతే ॥ 13 ॥
ఉపార్జితానాం విత్తానాం త్యాగ ఏవ హి రక్షణమ్ । తడాగోదరసంస్థానాం పరీవాహ ఇవాంభసాం ॥ 14 ॥
యస్యార్థాస్తస్య మిత్రాణి యస్యార్థాస్తస్య బాంధవాః । యస్యార్థాః స పుమాఁల్లోకే యస్యార్థాః స చ పండితః ॥ 15 ॥
స్వర్గస్థితానామిహ జీవలోకే చత్వారి చిహ్నాని వసంతి దేహే । దానప్రసంగో మధురా చ వాణీ దేవార్చనం బ్రాహ్మణతర్పణం చ ॥ 16 ॥
అత్యంతకోపః కటుకా చ వాణీ దరిద్రతా చ స్వజనేషు వైరమ్ । నీచప్రసంగః కులహీనసేవా చిహ్నాని దేహే నరకస్థితానాం ॥ 17 ॥
గమ్యతే యది మృగేంద్రమందిరం లభ్యతే కరికపాలమౌక్తికమ్ । జంబుకాలయగతే చ ప్రాప్యతే వత్సపుచ్ఛఖరచర్మఖండనం ॥ 18 ॥
శునః పుచ్ఛమివ వ్యర్థం జీవితం విద్యయా వినా । న గుహ్యగోపనే శక్తం న చ దంశనివారణే ॥ 19 ॥
వాచాం శౌచం చ మనసః శౌచమింద్రియనిగ్రహః । సర్వభూతదయాశౌచమేతచ్ఛౌచం పరార్థినాం ॥ 20 ॥
పుష్పే గంధం తిలే తైలం కాష్ఠేఽగ్నిం పయసి ఘృతమ్ । ఇక్షౌ గుడం తథా దేహే పశ్యాత్మానం వివేకతః ॥ 21 ॥
சாணக்ய நீதி - ஸப்தமோத்⁴யாய: பற்றி
This is the seventh chapter of the Chanakya Niti, maxims traditionally attributed to Chanakya (Kautilya). It opens with advice on discretion: a wise person does not reveal loss of wealth, sorrow of mind, troubles at home, or being cheated or insulted. It says that in dealings with money and grain, in gaining knowledge, in eating and in business one should not be shy. It ends with a well-known verse: as fragrance is in the flower, oil in sesame, fire in wood, ghee in milk and sugar in cane, so see the Self within the body by discrimination.
இயற்றியவர்: Traditionally attributed to Chanakya (Kautilya)
எப்போது பாராயணம் செய்வது: In reading and study of practical wisdom (niti), and in talks on conduct.
உங்களுக்குத் தெரியுமா?
- Its last verse, "Pushpe gandham tile tailam", gives simple images for the Self hidden within the body.
- Some verses of the Chanakya Niti reflect the attitudes of their age and are read today with that in mind.
அடிக்கடி கேட்கப்படும் கேள்விகள்
What should a wise person not reveal?
Loss of wealth, sorrow, troubles at home, or being cheated or insulted.
Where should one not be shy?
In money matters, learning, eating and business.
How is the Self seen, according to the last verse?
Like fragrance in a flower, by discrimination.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்