গীতগোবিংদং চতুর্থঃ সর্গঃ - স্নিগ্ধ মধুসূদনঃ
Sri Krishna · প্রথাগত ভক্তিপাঠ
॥ চতুর্থঃ সর্গঃ ॥ ॥ স্নিগ্ধমধুসূদনঃ ॥
যমুনাতীরবানীরনিকুংজে মংদমাস্থিতম্ । প্রাহ প্রেমভরোদ্ভ্রাংতং মাধবং রাধিকাসখী ॥ 25 ॥
॥ গীতং 8 ॥
নিংদতি চংদনমিংদুকিরণমনু বিংদতি খেদমধীরম্ । ব্য়ালনিলযমিলনেন গরলমিব কলযতি মলযসমীরম্ ॥ সা বিরহে তব দীনা মাধব মনসিজবিশিখভয়াদিব ভাবনয়া ত্বয়ি লীনা ॥ 1 ॥
অবিরলনিপতিতমদনশরাদিব ভবদবনায় বিশালম্ । স্বহৃদযর্মণী বর্ম করোতি সজলনলিনীদলজালম্ ॥ 2 ॥
কুসুমবিশিখশরতল্পমনল্পবিলাসকলাকমনীযম্ । ব্রতমিব তব পরিরংভসুখায় করোতি কুসুমশযনীযম্ ॥ 3 ॥
বহতি চ গলিতবিলোচনজলভরমাননকমলমুদারম্ । বিধুমিব বিকটবিধুংতুদদংতদলনগলিতামৃতধারম্ ॥ 4 ॥
বিলিখতি রহসি কুরংগমদেন ভবংতমসমশরভূতম্ । প্রণমতি মকরমধো বিনিধায় করে চ শরং নবচূতম্ ॥ 5 ॥
প্রতিপদমিদমপি নিগততি মাধব তব চরণে পতিতাহম্ । ত্বয়ি বিমুখে ময়ি সপদি সুধানিধিরপি তনুতে তনুদাহম্ ॥ 6 ॥
ধ্য়ানলয়েন পুরঃ পরিকল্প্য় ভবংতমতীব দুরাপম্ । বিলপতি হসতি বিষীদতি রোদিতি চংচতি মুংচতি তাপম্ ॥ 7 ॥
শ্রীজযদেবভণিতমিদমধিকং যদি মনসা নটনীযম্ । হরিবিরহাকুলবল্লবয়ুবতিসখীবচনং পঠনীযম্ ॥ 8 ॥
আবাসো বিপিনাযতে প্রিযসখীমালাপি জালাযতে তাপোঽপি শ্বসিতেন দাবদহনজ্বালাকলাপাযতে । সাপি ত্বদ্বিরহেণ হংত হরিণীরূপাযতে হা কথং কংদর্পোঽপি যমাযতে বিরচযঞ্শার্দূলবিক্রীডিতম্ ॥ 26 ॥
॥ গীতং 9 ॥
স্তনবিনিহিতমপি হারমুদারম্ । সা মনুতে কৃশতনুরতিভারম্ ॥ রাধিকা বিরহে তব কেশব ॥ 1 ॥
সরসমসৃণমপি মলযজপংকম্ । পশ্যতি বিষমিব বপুষি সশংকম্ ॥ 2 ॥
শ্বসিতপবনমনুপমপরিণাহম্ । মদনদহনমিব বহতি সদাহম্ ॥ 3 ॥
দিশি দিশি কিরতি সজলকণজালম্ । নযননলিনমিব বিগলিতনালম্ ॥ 4 ॥
নযনবিষযমপি কিসলযতল্পম্ । কলযতি বিহিতহুতাশবিকল্পম্ ॥ 5 ॥
ত্যজতি ন পাণিতলেন কপোলম্ । বালশশিনমিব সাযমলোলম্ ॥ 6 ॥
হরিরিতি হরিরিতি জপতি সকামম্ । বিরহবিহিতমরণেন নিকামম্ ॥ 7 ॥
শ্রীজযদেবভণিতমিতি গীতম্ । সুখযতু কেশবপদমুপুনীতম্ ॥ 8 ॥
সা রোমাংচতি সীত্করোতি বিলপত্য়ুত্কংপতে তাম্যতি ধ্য়াযত্য়ুদ্ভ্রমতি প্রমীলতি পতত্য়ুদ্য়াতি মূর্চ্ছত্যপি । এতাবত্যতনুজ্বরে বরতনুর্জীবেন্ন কিং তে রসাত্ স্বর্বৈদ্যপ্রতিম প্রসীদসি যদি ত্যক্তোঽন্যথা নাংতকঃ ॥ 27 ॥
স্মরাতুরাং দৈবতবৈদ্যহৃদ্য় ত্বদংগসংগামৃতমাত্রসাধ্য়াম্ । বিমুক্তবাধাং কুরুষে ন রাধা-মুপেংদ্র বজ্রাদপি দারুণোঽসি ॥ 28 ॥
কংদর্পজ্বরসংজ্বরস্তুরতনোরাশ্চর্যমস্য়াশ্চিরং চেতশ্চংদনচংদ্রমঃকমলিনীচিংতাসু সংতাম্যতি । কিংতু ক্লাংতিবশেন শীতলতনুং ত্বামেকমেব প্রিয়ং ধ্য়ায়ংতী রহসি স্থিতা কথমপি ক্ষীণা ক্ষণং প্রাণিতি ॥ 29 ॥
ক্ষণমপি বিরহঃ পুরা ন সেহে নযননিমীলনখিন্নয়া যয়া তে । শ্বসিতি কথমসৌ রসালশাখাং চিরবিরহেণ বিলোক্য় পুষ্পিতাগ্রাম্ ॥ 30 ॥
॥ ইতি গীতগোবিংদে স্নিগ্ধমাধবো নাম চতুর্থঃ সর্গঃ ॥
গীতগোবিংদং চতুর্থঃ সর্গঃ - স্নিগ্ধ মধুসূদনঃ সম্পর্কে
The fourth canto of Jayadeva's Gita Govinda, "Snigdha Madhusudana" (tender Madhusudana), finds Krishna sitting alone in a bower of reeds on the bank of the Yamuna, troubled by love. Radha's friend comes to him and describes Radha's state in separation: she treats the cool sandal and moonlight as fire, makes a bed of flowers and lies on it as on arrows, draws his picture and worships it, and grows thin and pale, thinking only of him; the refrain says, "In separation from you, Radha is suffering."
রচয়িতা: Jayadeva (12th century)
কখন পাঠ করবেন: In Odissi and other classical dance, in Ashtapadi singing, and in Krishna temples, especially at Puri.
আপনি কি জানেন?
- Its ashtapadi "Sa virahe tava dina", "she is wretched in your absence", is one of the best-loved songs of the Gita Govinda.
- In devotional reading Radha's longing stands for the soul's longing for God.
প্রায়শই জিজ্ঞাসিত প্রশ্ন
Where is Krishna in this canto?
In a bower of reeds on the Yamuna's bank.
Who describes Radha's state?
Radha's friend (sakhi).
Who wrote the Gita Govinda?
Jayadeva, in the 12th century.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ