MuhurtaNow

গীতগোবিংদং চতুর্থঃ সর্গঃ - স্নিগ্ধ মধুসূদনঃ

Sri Krishna · প্রথাগত ভক্তিপাঠ

॥ చతుర్థః సర్గః ॥ ॥ స్నిగ్ధమధుసూదనః ॥

యమునాతీరవానీరనికుంజే మందమాస్థితమ్ । ప్రాహ ప్రేమభరోద్భ్రాంతం మాధవం రాధికాసఖీ ॥ 25 ॥

॥ గీతం 8 ॥

నిందతి చందనమిందుకిరణమను విందతి ఖేదమధీరమ్ । వ్యాలనిలయమిలనేన గరలమివ కలయతి మలయసమీరమ్ ॥ సా విరహే తవ దీనా మాధవ మనసిజవిశిఖభయాదివ భావనయా త్వయి లీనా ॥ 1 ॥

అవిరలనిపతితమదనశరాదివ భవదవనాయ విశాలమ్ । స్వహృదయర్మణీ వర్మ కరోతి సజలనలినీదలజాలమ్ ॥ 2 ॥

కుసుమవిశిఖశరతల్పమనల్పవిలాసకలాకమనీయమ్ । వ్రతమివ తవ పరిరంభసుఖాయ కరోతి కుసుమశయనీయమ్ ॥ 3 ॥

వహతి చ గలితవిలోచనజలభరమాననకమలముదారమ్ । విధుమివ వికటవిధుంతుదదంతదలనగలితామృతధారమ్ ॥ 4 ॥

విలిఖతి రహసి కురంగమదేన భవంతమసమశరభూతమ్ । ప్రణమతి మకరమధో వినిధాయ కరే చ శరం నవచూతమ్ ॥ 5 ॥

ప్రతిపదమిదమపి నిగతతి మాధవ తవ చరణే పతితాహమ్ । త్వయి విముఖే మయి సపది సుధానిధిరపి తనుతే తనుదాహమ్ ॥ 6 ॥

ధ్యానలయేన పురః పరికల్ప్య భవంతమతీవ దురాపమ్ । విలపతి హసతి విషీదతి రోదితి చంచతి ముంచతి తాపమ్ ॥ 7 ॥

శ్రీజయదేవభణితమిదమధికం యది మనసా నటనీయమ్ । హరివిరహాకులబల్లవయువతిసఖీవచనం పఠనీయమ్ ॥ 8 ॥

ఆవాసో విపినాయతే ప్రియసఖీమాలాపి జాలాయతే తాపోఽపి శ్వసితేన దావదహనజ్వాలాకలాపాయతే । సాపి త్వద్విరహేణ హంత హరిణీరూపాయతే హా కథం కందర్పోఽపి యమాయతే విరచయఞ్శార్దూలవిక్రీడితమ్ ॥ 26 ॥

॥ గీతం 9 ॥

స్తనవినిహితమపి హారముదారమ్ । సా మనుతే కృశతనురతిభారమ్ ॥ రాధికా విరహే తవ కేశవ ॥ 1 ॥

సరసమసృణమపి మలయజపంకమ్ । పశ్యతి విషమివ వపుషి సశంకమ్ ॥ 2 ॥

శ్వసితపవనమనుపమపరిణాహమ్ । మదనదహనమివ వహతి సదాహమ్ ॥ 3 ॥

దిశి దిశి కిరతి సజలకణజాలమ్ । నయననలినమివ విగలితనాలమ్ ॥ 4 ॥

నయనవిషయమపి కిసలయతల్పమ్ । కలయతి విహితహుతాశవికల్పమ్ ॥ 5 ॥

త్యజతి న పాణితలేన కపోలమ్ । బాలశశినమివ సాయమలోలమ్ ॥ 6 ॥

హరిరితి హరిరితి జపతి సకామమ్ । విరహవిహితమరణేన నికామమ్ ॥ 7 ॥

శ్రీజయదేవభణితమితి గీతమ్ । సుఖయతు కేశవపదముపునీతమ్ ॥ 8 ॥

సా రోమాంచతి సీత్కరోతి విలపత్యుత్కంపతే తామ్యతి ధ్యాయత్యుద్భ్రమతి ప్రమీలతి పతత్యుద్యాతి మూర్చ్ఛత్యపి । ఏతావత్యతనుజ్వరే వరతనుర్జీవేన్న కిం తే రసాత్ స్వర్వైద్యప్రతిమ ప్రసీదసి యది త్యక్తోఽన్యథా నాంతకః ॥ 27 ॥

స్మరాతురాం దైవతవైద్యహృద్య త్వదంగసంగామృతమాత్రసాధ్యామ్ । విముక్తబాధాం కురుషే న రాధా-ముపేంద్ర వజ్రాదపి దారుణోఽసి ॥ 28 ॥

కందర్పజ్వరసంజ్వరస్తురతనోరాశ్చర్యమస్యాశ్చిరం చేతశ్చందనచంద్రమఃకమలినీచింతాసు సంతామ్యతి । కింతు క్లాంతివశేన శీతలతనుం త్వామేకమేవ ప్రియం ధ్యాయంతీ రహసి స్థితా కథమపి క్షీణా క్షణం ప్రాణితి ॥ 29 ॥

క్షణమపి విరహః పురా న సేహే నయననిమీలనఖిన్నయా యయా తే । శ్వసితి కథమసౌ రసాలశాఖాం చిరవిరహేణ విలోక్య పుష్పితాగ్రామ్ ॥ 30 ॥

॥ ఇతి గీతగోవిందే స్నిగ్ధమాధవో నామ చతుర్థః సర్గః ॥

গীতগোবিংদং চতুর্থঃ সর্গঃ - স্নিগ্ধ মধুসূদনঃ সম্পর্কে

The fourth canto of Jayadeva's Gita Govinda, "Snigdha Madhusudana" (tender Madhusudana), finds Krishna sitting alone in a bower of reeds on the bank of the Yamuna, troubled by love. Radha's friend comes to him and describes Radha's state in separation: she treats the cool sandal and moonlight as fire, makes a bed of flowers and lies on it as on arrows, draws his picture and worships it, and grows thin and pale, thinking only of him; the refrain says, "In separation from you, Radha is suffering."

রচয়িতা: Jayadeva (12th century)

কখন পাঠ করবেন: In Odissi and other classical dance, in Ashtapadi singing, and in Krishna temples, especially at Puri.

আপনি কি জানেন?

  • Its ashtapadi "Sa virahe tava dina", "she is wretched in your absence", is one of the best-loved songs of the Gita Govinda.
  • In devotional reading Radha's longing stands for the soul's longing for God.

প্রায়শই জিজ্ঞাসিত প্রশ্ন

Where is Krishna in this canto?

In a bower of reeds on the Yamuna's bank.

Who describes Radha's state?

Radha's friend (sakhi).

Who wrote the Gita Govinda?

Jayadeva, in the 12th century.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।