MuhurtaNow

ಗೀತಗೋವಿಂದಂ ದಶಮಃ ಸರ್ಗಃ - ಚತುರ ಚತುರ್ಭುಜಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

॥ দশমঃ সর্গঃ ॥ ॥ চতুরচতুর্ভুজঃ ॥

অত্রাংতরে মসৃণরোষবশামসীম্-নিঃশ্বাসনিঃসহমুখীং সুমুখীমুপেত্য় । সব্রীডমীক্ষিতসখীবদনাং দিনাংতে সানংদগদ্গদপদং হরিরিত্য়ুবাচ ॥ 53 ॥

॥ গীতং 19 ॥

বদসি যদি কিংচিদপি দংতরুচিকৌমুদী হরতি দরতিমিরমতিঘোরম্ । স্ফুরদধরসীধবে তব বদনচংদ্রমা রোচযতু লোচনচকোরম্ ॥ প্রিয়ে চারুশীলে মুংচ ময়ি মানমনিদানং সপদি মদনানলো দহতি মম মানসং দেহি মুখকমলমধুপানম্ ॥ 1 ॥

সত্যমেবাসি যদি সুদতি ময়ি কোপিনী দেহি খরনখশরঘাতম্ । ঘটয় ভুজবংধনং জনয় রদখংডনং যেন বা ভবতি সুখজাতম্ ॥ 2 ॥

ত্বমসি মম ভূষণং ত্বমসি মম জীবনং ত্বমসি ভবজলধিরত্নম্ । ভবতু ভবতীহ ময়ি সততমনোরোধিনি তত্র মম হৃদযমতিরত্নম্ ॥ 3 ॥

নীলনলিনাভমপি তন্বি তব লোচনং ধারযতি কোকনদরূপম্ । কুসুমশরবাণভাবেন যদি রংজযসি কৃষ্ণমিদমেতদনুরূপম্ ॥ 4 ॥

স্ফুরতু কুচকুংভয়োরুপরি মণিমংজরী রংজযতু তব হৃদযদেশম্ । রসতু রশনাপি তব ঘনজঘনমংডলে ঘোষযতু মন্মথনিদেশম্ ॥ 5 ॥

স্থলকমলগংজনং মম হৃদযরংজনং জনিতরতিরংগপরভাগম্ । ভণ মসৃণবাণি করবাণি পদপংকজং সরসলসদলক্তকরাগম্ ॥ 6 ॥

স্মরগরলখংডনং মম শিরসি মংডনং দেহি পদপল্লবমুদারম্ । জ্বলতি ময়ি দারুণো মদনকদনারুণো হরতু তদুপাহিতবিকারম্ ॥ 7 ॥

ইতি চটুলচাটুপটুচারু মুরবৈরিণো রাধিকামধি বচনজাতম্ । জযতি পদ্মাবতীরমণজযদেবকবি-ভারতীভণিতমতিশাতম্ ॥ 8 ॥

পরিহর কৃতাতংকে শংকাং ত্বয়া সততং ঘন-স্তনজঘনয়াক্রাংতে স্বাংতে পরানবকাশিনি । বিশতি বিতনোরন্য়ো ধন্য়ো ন কোঽপি মমাংতরং স্তনভরপরীরংভারংভে বিধেহি বিধেযতাম্ ॥ 54 ॥

মুগ্ধে বিধেহি ময়ি নির্দযদংতদংশ-দোর্বল্লিবংধনিবিডস্তনপীডনানি । চংডি ত্বমেব মুদমংচ ন পংচবাণ-চংডালকাংডদলনাদসবঃ প্রয়াংতু ॥ 55 ॥

ব্যথযতি বৃথা মৌনং তন্বি প্রপংচয় পংচমং তরুণী মধুরালাপৈস্তাপং বিনোদয় দৃষ্টিভিঃ । সুমুখি বিমুখীভাবং তাবদ্বিমুংচ ন মুংচ মাং স্বযমতিশযস্নিগ্ধো মুগ্ধে প্রিয়িঽহমুপস্থিতঃ ॥ 56 ॥

বংধূকদ্য়ুতিবাংধবোঽযমধরঃ স্নিগ্ধো মধূকচ্চবি-র্গংডশ্চংডি চকাস্তি নীলনলিনশ্রীমোচনং লোচনম্ । নাসাভ্য়েতি তিলপ্রসূনপদবীং কুংদাভদাংতি প্রিয়ে প্রাযস্ত্বন্মুখসেবয়া বিজযতে বিশ্বং স পুষ্পায়ুধঃ ॥ 57 ॥

দৃশৌ তব মদালসে বদনমিংদুসংদীপকং গতির্জনমনোরমা বিধুতরংভমূরুদ্বযম্ । রতিস্তব কলাবতী রুচিরচিত্রলেখে ভ্রুবা-বহো বিবুধয়ৌবনং বহসি তন্বী পৃথ্বীগতা ॥ 58 ॥

॥ ইতি শ্রীগীতগোবিংদে মানিনীবর্ণনে চতুরচতুর্ভুজো নাম দশমঃ সর্গঃ ॥

ಗೀತಗೋವಿಂದಂ ದಶಮಃ ಸರ್ಗಃ - ಚತುರ ಚತುರ್ಭುಜಃ ಬಗ್ಗೆ

ಜಯದೇವನ ಗೀತಗೋವಿಂದದ ಹತ್ತನೇ ಸರ್ಗ "ಚತುರಚತುರ್ಭುಜ", ಜಾಣ ಚತುರ್ಭುಜ, ನೊಂದ ಅಭಿಮಾನದ ರಾಧೆಯನ್ನು ಕೃಷ್ಣ ಬೇಡುವುದನ್ನು ತೋರುತ್ತದೆ. ಸಂಜೆ ಕೋಪದಿಂದ ನಿಟ್ಟುಸಿರುಬಿಡುತ್ತಾ ಕುಳಿತ ಅವಳ ಬಳಿ ಬಂದು, ಒಂದು ಮಾತಾದರೂ ಆಡು, ಕಡೆನೋಟದಿಂದ ಹೊಡೆ, ಕೊನೆಗೆ ಪ್ರೇಮವಿಷ ಪರಿಹಾರಕ್ಕಾಗಿ ನಿನ್ನ ಮೃದು ಪಾದವನ್ನು ನನ್ನ ಶಿರಕ್ಕೆ ಅಲಂಕಾರವಾಗಿಡು ಎಂದು ಬೇಡುವ ಪ್ರಸಿದ್ಧ "ವದಸಿ ಯದಿ ಕಿಂಚಿದಪಿ" ಹಾಡನ್ನು ಹಾಡುತ್ತಾನೆ.

ರಚನೆಕಾರರು: ಜಯದೇವ (೧೨ನೇ ಶತಮಾನ)

ಯಾವಾಗ ಪಠಿಸಬೇಕು: ಒಡಿಸ್ಸಿ ಮೊದಲಾದ ನೃತ್ಯಗಳಲ್ಲಿ, ಭಜನೆ ಮತ್ತು ಕಛೇರಿಗಳಲ್ಲಿ, ಮತ್ತು ಪುರಿಯ ಗೀತಗೋವಿಂದ ಸೇವೆಯಲ್ಲಿ.

ನಿಮಗೆ ಗೊತ್ತೇ?

  • "ದೇಹಿ ಪದಪಲ್ಲವಮುದಾರಂ" (ನಿನ್ನ ಮೃದು ಪಾದ ಕೊಡು) ಸಾಲನ್ನು ಬರೆಯಲು ಜಯದೇವ ಹಿಂಜರಿದು ಸ್ನಾನಕ್ಕೆ ಹೋಗಿ, ಮರಳಿದಾಗ ಕೃಷ್ಣನೇ ಅದನ್ನು ಬರೆದಿದ್ದ ಎನ್ನುತ್ತದೆ ಸಂಪ್ರದಾಯ.
  • ಕೊನೆಯ ಸಾಲು ಈ ಸರ್ಗವನ್ನು ನೊಂದ ಅಭಿಮಾನದ ಮಾನಿನೀ ನಾಯಿಕೆಯ ವರ್ಣನೆ ಎನ್ನುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

"ಚತುರಚತುರ್ಭುಜ" ಎಂದರೇನು?

ರಾಧೆಯನ್ನು ಬೇಡುವ ಕೃಷ್ಣ, "ಜಾಣ ಚತುರ್ಭುಜ".

ಈ ಸರ್ಗದಲ್ಲಿ ಯಾವ ಪ್ರಸಿದ್ಧ ಹಾಡಿದೆ?

ರಾಧೆಗೆ ಕೃಷ್ಣನ ಬೇಡಿಕೆ "ವದಸಿ ಯದಿ ಕಿಂಚಿದಪಿ".

ಇದರೊಡನೆ ಯಾವ ಕಥೆ ಸಂಬಂಧಿಸಿದೆ?

"ದೇಹಿ ಪದಪಲ್ಲವಮುದಾರಂ" ಸಾಲನ್ನು ಕೃಷ್ಣನೇ ಬರೆದನೆಂಬುದು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.