MuhurtaNow

ಗೀತಗೋವಿಂದಂ ದಶಮಃ ಸರ್ಗಃ - ಚತುರ ಚತುರ್ಭುಜಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

॥ దశమః సర్గః ॥ ॥ చతురచతుర్భుజః ॥

అత్రాంతరే మసృణరోషవశామసీం-నిఃశ్వాసనిఃసహముఖీం సుముఖీముపేత్య । సవ్రీడమీక్షితసఖీవదనాం దినాంతే సానందగద్గదపదం హరిరిత్యువాచ ॥ 53 ॥

॥ గీతం 19 ॥

వదసి యది కించిదపి దంతరుచికౌముదీ హరతి దరతిమిరమతిఘోరమ్ । స్ఫురదధరసీధవే తవ వదనచంద్రమా రోచయతు లోచనచకోరమ్ ॥ ప్రియే చారుశీలే ముంచ మయి మానమనిదానం సపది మదనానలో దహతి మమ మానసం దేహి ముఖకమలమధుపానమ్ ॥ 1 ॥

సత్యమేవాసి యది సుదతి మయి కోపినీ దేహి ఖరనఖశరఘాతమ్ । ఘటయ భుజబంధనం జనయ రదఖండనం యేన వా భవతి సుఖజాతమ్ ॥ 2 ॥

త్వమసి మమ భూషణం త్వమసి మమ జీవనం త్వమసి భవజలధిరత్నమ్ । భవతు భవతీహ మయి సతతమనోరోధిని తత్ర మమ హృదయమతిరత్నమ్ ॥ 3 ॥

నీలనలినాభమపి తన్వి తవ లోచనం ధారయతి కోకనదరూపమ్ । కుసుమశరబాణభావేన యది రంజయసి కృష్ణమిదమేతదనురూపమ్ ॥ 4 ॥

స్ఫురతు కుచకుంభయోరుపరి మణిమంజరీ రంజయతు తవ హృదయదేశమ్ । రసతు రశనాపి తవ ఘనజఘనమండలే ఘోషయతు మన్మథనిదేశమ్ ॥ 5 ॥

స్థలకమలగంజనం మమ హృదయరంజనం జనితరతిరంగపరభాగమ్ । భణ మసృణవాణి కరవాణి పదపంకజం సరసలసదలక్తకరాగమ్ ॥ 6 ॥

స్మరగరలఖండనం మమ శిరసి మండనం దేహి పదపల్లవముదారమ్ । జ్వలతి మయి దారుణో మదనకదనారుణో హరతు తదుపాహితవికారమ్ ॥ 7 ॥

ఇతి చటులచాటుపటుచారు మురవైరిణో రాధికామధి వచనజాతమ్ । జయతి పద్మావతీరమణజయదేవకవి-భారతీభణితమతిశాతమ్ ॥ 8 ॥

పరిహర కృతాతంకే శంకాం త్వయా సతతం ఘన-స్తనజఘనయాక్రాంతే స్వాంతే పరానవకాశిని । విశతి వితనోరన్యో ధన్యో న కోఽపి మమాంతరం స్తనభరపరీరంభారంభే విధేహి విధేయతామ్ ॥ 54 ॥

ముగ్ధే విధేహి మయి నిర్దయదంతదంశ-దోర్వల్లిబంధనిబిడస్తనపీడనాని । చండి త్వమేవ ముదమంచ న పంచబాణ-చండాలకాండదలనాదసవః ప్రయాంతు ॥ 55 ॥

వ్యథయతి వృథా మౌనం తన్వి ప్రపంచయ పంచమం తరుణీ మధురాలాపైస్తాపం వినోదయ దృష్టిభిః । సుముఖి విముఖీభావం తావద్విముంచ న ముంచ మాం స్వయమతిశయస్నిగ్ధో ముగ్ధే ప్రియిఽహముపస్థితః ॥ 56 ॥

బంధూకద్యుతిబాంధవోఽయమధరః స్నిగ్ధో మధూకచ్చవి-ర్గండశ్చండి చకాస్తి నీలనలినశ్రీమోచనం లోచనమ్ । నాసాభ్యేతి తిలప్రసూనపదవీం కుందాభదాంతి ప్రియే ప్రాయస్త్వన్ముఖసేవయా విజయతే విశ్వం స పుష్పాయుధః ॥ 57 ॥

దృశౌ తవ మదాలసే వదనమిందుసందీపకం గతిర్జనమనోరమా విధుతరంభమూరుద్వయమ్ । రతిస్తవ కలావతీ రుచిరచిత్రలేఖే భ్రువా-వహో విబుధయౌవనం వహసి తన్వీ పృథ్వీగతా ॥ 58 ॥

॥ ఇతి శ్రీగీతగోవిందే మానినీవర్ణనే చతురచతుర్భుజో నామ దశమః సర్గః ॥

ಗೀತಗೋವಿಂದಂ ದಶಮಃ ಸರ್ಗಃ - ಚತುರ ಚತುರ್ಭುಜಃ ಬಗ್ಗೆ

ಜಯದೇವನ ಗೀತಗೋವಿಂದದ ಹತ್ತನೇ ಸರ್ಗ "ಚತುರಚತುರ್ಭುಜ", ಜಾಣ ಚತುರ್ಭುಜ, ನೊಂದ ಅಭಿಮಾನದ ರಾಧೆಯನ್ನು ಕೃಷ್ಣ ಬೇಡುವುದನ್ನು ತೋರುತ್ತದೆ. ಸಂಜೆ ಕೋಪದಿಂದ ನಿಟ್ಟುಸಿರುಬಿಡುತ್ತಾ ಕುಳಿತ ಅವಳ ಬಳಿ ಬಂದು, ಒಂದು ಮಾತಾದರೂ ಆಡು, ಕಡೆನೋಟದಿಂದ ಹೊಡೆ, ಕೊನೆಗೆ ಪ್ರೇಮವಿಷ ಪರಿಹಾರಕ್ಕಾಗಿ ನಿನ್ನ ಮೃದು ಪಾದವನ್ನು ನನ್ನ ಶಿರಕ್ಕೆ ಅಲಂಕಾರವಾಗಿಡು ಎಂದು ಬೇಡುವ ಪ್ರಸಿದ್ಧ "ವದಸಿ ಯದಿ ಕಿಂಚಿದಪಿ" ಹಾಡನ್ನು ಹಾಡುತ್ತಾನೆ.

ರಚನೆಕಾರರು: ಜಯದೇವ (೧೨ನೇ ಶತಮಾನ)

ಯಾವಾಗ ಪಠಿಸಬೇಕು: ಒಡಿಸ್ಸಿ ಮೊದಲಾದ ನೃತ್ಯಗಳಲ್ಲಿ, ಭಜನೆ ಮತ್ತು ಕಛೇರಿಗಳಲ್ಲಿ, ಮತ್ತು ಪುರಿಯ ಗೀತಗೋವಿಂದ ಸೇವೆಯಲ್ಲಿ.

ನಿಮಗೆ ಗೊತ್ತೇ?

  • "ದೇಹಿ ಪದಪಲ್ಲವಮುದಾರಂ" (ನಿನ್ನ ಮೃದು ಪಾದ ಕೊಡು) ಸಾಲನ್ನು ಬರೆಯಲು ಜಯದೇವ ಹಿಂಜರಿದು ಸ್ನಾನಕ್ಕೆ ಹೋಗಿ, ಮರಳಿದಾಗ ಕೃಷ್ಣನೇ ಅದನ್ನು ಬರೆದಿದ್ದ ಎನ್ನುತ್ತದೆ ಸಂಪ್ರದಾಯ.
  • ಕೊನೆಯ ಸಾಲು ಈ ಸರ್ಗವನ್ನು ನೊಂದ ಅಭಿಮಾನದ ಮಾನಿನೀ ನಾಯಿಕೆಯ ವರ್ಣನೆ ಎನ್ನುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

"ಚತುರಚತುರ್ಭುಜ" ಎಂದರೇನು?

ರಾಧೆಯನ್ನು ಬೇಡುವ ಕೃಷ್ಣ, "ಜಾಣ ಚತುರ್ಭುಜ".

ಈ ಸರ್ಗದಲ್ಲಿ ಯಾವ ಪ್ರಸಿದ್ಧ ಹಾಡಿದೆ?

ರಾಧೆಗೆ ಕೃಷ್ಣನ ಬೇಡಿಕೆ "ವದಸಿ ಯದಿ ಕಿಂಚಿದಪಿ".

ಇದರೊಡನೆ ಯಾವ ಕಥೆ ಸಂಬಂಧಿಸಿದೆ?

"ದೇಹಿ ಪದಪಲ್ಲವಮುದಾರಂ" ಸಾಲನ್ನು ಕೃಷ್ಣನೇ ಬರೆದನೆಂಬುದು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.