MuhurtaNow

ಗೀತಗೋವಿಂದಂ ಪಂಚಮಃ ಸರ್ಗಃ - ಸಾಕಾಂಕ್ಷ ಪುಂಡರೀಕಾಕ್ಷಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

॥ পংচমঃ সর্গঃ ॥ ॥ সাকাংক্ষপুংডরীকাক্ষঃ ॥

অহমিহ নিবসামি যাহি রাধাং অনুনয় মদ্বচনেন চানয়েথাঃ । ইতি মধুরিপুণা সখী নিয়ুক্তা স্বযমিদমেত্য় পুনর্জগাদ রাধাম্ ॥ 31 ॥

॥ গীতং 10 ॥

বহতি মলযসমীরে মদনমুপনিধায় । স্ফুটতি কুসুমনিকরে বিরহিহৃদযদলনায় ॥ তব বিরহে বনমালী সখি সীদতি ॥ 1 ॥

দহতি শিশিরময়ূখে মরণমনুকরোতি । পততি মদনবিশিখে বিলপতি বিকলতরোঽতি ॥ 2 ॥

ধ্বনতি মধুপসমূহে শ্রবণমপিদধাতি । মনসি চলিতবিরহে নিশি নিশি রুজমুপয়াতি ॥ 3 ॥

বসতি বিপিনবিতানে ত্যজতি ললিতধাম । লুঠতি ধরণিশযনে বহু বিলপতি তব নাম ॥ 4 ॥

রণতি পিকসমবায়ে প্রতিদিশমনুয়াতি । হসতি মনুজনিচয়ে বিরহমপলপতি নেতি ॥ 5 ॥

স্ফুরতি কলরবরাবে স্মরতি মণিতমেব। তবরতিসুখবিভবে গণযতি সুগুণমতীব ॥ 6 ॥

ত্বদভিধশুভদমাসং বদতি নরি শৃণোতি । তমপি জপতি সরসং যুবতিষু ন রতিমুপৈতি ॥ 7 ॥

ভণতি কবিজযদেবে বিরহবিলসিতেন । মনসি রভসবিভবে হরিরুদযতু সুকৃতেন ॥ 8 ॥

পূর্বং যত্র সমং ত্বয়া রতিপতেরাসাদিতঃ সিদ্ধয়-স্তস্মিন্নেব নিকুংজমন্মথমহাতীর্থে পুনর্মাধবঃ । ধ্য়ায়ংস্ত্বামনিশং জপন্নপি তবৈবালাপমংত্রাবলীং ভূযস্ত্বত্কুচকুংভনির্ভরপরীরংভামৃতং বাংছতি ॥ 32 ॥

॥ গীতং 11 ॥

রতিসুখসারে গতমভিসারে মদনমনোহরবেশম্ । ন কুরু নিতংবিনি গমনবিলংবনমনুসর তং হৃদয়েশম্ ॥ ধীরসমীরে যমুনাতীরে বসতি বনে বনমালী ॥ 1 ॥

নাম সমেতং কৃতসংকেতং বাদযতে মৃদুবেণুম্ । বহু মনুতে ননু তে তনুসংগতপবনচলিতমপি রেণুম্ ॥ 2 ॥

পততি পতত্রে বিচলতি পত্রে শংকিতভবদুপয়ানম্ । রচযতি শযনং সচকিতনযনং পশ্যতি তব পংথানম্ ॥ 3 ॥

মুখরমধীরং ত্যজ মংজীরং রিপুমিব কেলিষুলোলম্ । চল সখি কুংজং সতিমিরপুংজং শীলয় নীলনিচোলম্ ॥ 4 ॥

উরসি মুরারেরুপহিতহারে ঘন ইব তরলবলাকে । তটিদিব পীতে রতিবিপরীতে রাজসি সুকৃতবিপাকে ॥ 5 ॥

বিগলিতবসনং পরিহৃতরসনং ঘটয় জঘনমপিধানম্ । কিসলযশযনে পংকজনযনে নিধিমিব হর্ষনিদানম্ ॥ 6 ॥

হরিরভিমানী রজনিরিদানীমিযমপি যাতি বিরামম্ । কুরু মম বচনং সত্বররচনং পূরয় মধুরিপুকামম্ ॥ 7 ॥

শ্রীজযদেবে কৃতহরিসেবে ভণতি পরমরমণীযম্ । প্রমুদিতহৃদয়ং হরিমতিসদয়ং নমত সুকৃতকমনীযম্ ॥ 8 ॥

বিকিরতি মুহুঃ শ্বাসাংদিশঃ পুরো মুহুরীক্ষতে প্রবিশতি মুহুঃ কুংজং গুংজন্মুহুর্বহু তাম্যতি । রচযতি মুহুঃ শয়্য়াং পর্য়াকুলং মুহুরীক্ষতে মদনকদনক্লাংতঃ কাংতে প্রিযস্তব বর্ততে ॥ 33 ॥

ত্বদ্বাম্য়েন সমং সমগ্রমধুনা তিগ্মাংশুরস্তং গতো গোবিংদস্য় মনোরথেন চ সমং প্রাপ্তং তমঃ সাংদ্রতাম্ । কোকানাং করুণস্বনেন সদৃশী দীর্ঘা মদভ্যর্থনা তন্মুগ্ধে বিফলং বিলংবনমসৌ রম্য়োঽভিসারক্ষণঃ ॥ 34 ॥

আশ্লেষাদনু চুংবনাদনু নখোল্লেখাদনু স্বাংতজ-প্রোদ্বোধাদনু সংভ্রমাদনু রতারংভাদনু প্রীতয়োঃ । অন্য়ার্থং গতয়োর্ভ্রমান্মিলিতয়োঃ সংভাষণৈর্জানতো-র্দংপত্য়োরিহ কো ন কো ন তমসি ব্রীডাবিমিশ্রো রসঃ ॥ 35 ॥

সভযচকিতং বিন্যস্য়ংতীং দৃশৌ তিমিরে পথি প্রতিতরু মুহুঃ স্থিত্বা মংদং পদানি বিতন্বতীম্ । কথমপি রহঃ প্রাপ্তামংগৈরনংগতরংগিভিঃ সুমুখি সুভগঃ পশ্যন্স ত্বামুপৈতু কৃতার্থতাম্ ॥ 36 ॥

রাধামুগ্ধমুখারবিংদমধুপস্ত্রৈলোক্যমৌলিস্থলী নেপথ্য়োচিতনীলরত্নমবনীভারাবতারাংতকঃ। স্বচ্ছংদং ব্রজসুব্দরীজনমনস্তোষপ্রদোষোদয়ঃ কংসধ্বংসনধূমকেতুরবতু ত্বাং দেবকীনংদনঃ॥ 36 + 1 ॥

॥ ইতি শ্রীগীতগোবিংদেঽভিসারিকবর্ণনে সাকাংক্ষপুংডরীকাক্ষো নাম পংচমঃ সর্গঃ ॥

ಗೀತಗೋವಿಂದಂ ಪಂಚಮಃ ಸರ್ಗಃ - ಸಾಕಾಂಕ್ಷ ಪುಂಡರೀಕಾಕ್ಷಃ ಬಗ್ಗೆ

ಜಯದೇವನ ಗೀತಗೋವಿಂದದ ಐದನೇ ಸರ್ಗ "ಸಾಕಾಂಕ್ಷ ಪುಂಡರೀಕಾಕ್ಷ" (ಹಂಬಲಿಸುವ ಕಮಲನಯನ) ಕೃಷ್ಣ ರಾಧೆಯ ಸಖಿಯನ್ನು ಮರಳಿ ಕಳುಹಿಸುವುದನ್ನು ತೋರುತ್ತದೆ: "ನಾನು ಇಲ್ಲೇ ಇರುತ್ತೇನೆ; ರಾಧೆಯ ಬಳಿ ಹೋಗಿ ನನ್ನ ಮಾತಿನಿಂದ ಒಲಿಸಿ ಕರೆತಾ." ಕೃಷ್ಣನ ಹಂಬಲವನ್ನು ಸಖಿ ರಾಧೆಗೆ ಹೇಳುತ್ತಾಳೆ: ಮೃದುಗಾಳಿ ಬೀಸುವ ಯಮುನಾತೀರದ ಕುಂಜದಲ್ಲಿ ಅವನು ಕಾಯುತ್ತಿದ್ದಾನೆ, ಕೊಳಲಲ್ಲಿ ಅವಳ ಹೆಸರು ನುಡಿಸುತ್ತ, ಎಲೆಯ ಹಾಸಿಗೆ ಸಿದ್ಧಪಡಿಸುತ್ತ; ತಡಮಾಡದೆ ಸಂಕೇತಸ್ಥಳಕ್ಕೆ (ಅಭಿಸಾರ) ಹೋಗು ಎಂದು ರಾಧೆಯನ್ನು ಒತ್ತಾಯಿಸುತ್ತಾಳೆ.

ರಚನೆಕಾರರು: ಜಯದೇವ (೧೨ನೇ ಶತಮಾನ)

ಯಾವಾಗ ಪಠಿಸಬೇಕು: ಒಡಿಸ್ಸಿ ಮತ್ತು ಇತರ ಶಾಸ್ತ್ರೀಯ ನೃತ್ಯದಲ್ಲಿ, ಅಷ್ಟಪದಿ ಗಾಯನದಲ್ಲಿ, ಮತ್ತು ಕೃಷ್ಣದೇವಾಲಯಗಳಲ್ಲಿ, ವಿಶೇಷವಾಗಿ ಪುರಿಯಲ್ಲಿ.

ನಿಮಗೆ ಗೊತ್ತೇ?

  • ಇದರ ಅಷ್ಟಪದಿ "ಧೀರಸಮೀರೇ ಯಮುನಾತೀರೇ ವಸತಿ ವನೇ ವನಮಾಲೀ" ಗೀತಗೋವಿಂದದ ಅತಿ ಪ್ರಸಿದ್ಧ ಹಾಡುಗಳಲ್ಲಿ ಒಂದು.
  • ಸರ್ಗ ಪ್ರಿಯನನ್ನು ಭೇಟಿಯಾಗಲು ಹೊರಡುವ ಅಭಿಸಾರಿಕಾ ನಾಯಿಕೆಯನ್ನು ವರ್ಣಿಸುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಕೃಷ್ಣ ಸಖಿಗೆ ಏನು ಮಾಡಲು ಹೇಳುತ್ತಾನೆ?

ರಾಧೆಯ ಬಳಿ ಹೋಗಿ ಅವಳನ್ನು ಕರೆತರಲು.

ಕೃಷ್ಣ ಎಲ್ಲಿ ಕಾಯುತ್ತಾನೆ?

ಮೃದುಗಾಳಿಯ ಯಮುನಾತೀರದ ಕುಂಜದಲ್ಲಿ.

ಗೀತಗೋವಿಂದ ಬರೆದವರು ಯಾರು?

೧೨ನೇ ಶತಮಾನದಲ್ಲಿ ಜಯದೇವ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.