MuhurtaNow

ನಾರಾಯಣೀಯಂ ದಶಕ 76 - ಉದ್ಧವದೌತ್ಯಂ

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಗತ್ವಾ ಸಾಂದೀಪನಿಮಥ ಚತುಷ್ಷಷ್ಟಿಮಾತ್ರೈರಹೋಭಿಃ ಸರ್ವಜ್ಞಸ್ತ್ವಂ ಸಹ ಮುಸಲಿನಾ ಸರ್ವವಿದ್ಯಾ ಗೃಹೀತ್ವಾ । ಪುತ್ರಂ ನಷ್ಟಂ ಯಮನಿಲಯನಾದಾಹೃತಂ ದಕ್ಷಿಣಾರ್ಥಂ ದತ್ವಾ ತಸ್ಮೈ ನಿಜಪುರಮಗಾ ನಾದಯನ್ ಪಾಂಚಜನ್ಯಮ್ ॥1॥

ಸ್ಮೃತ್ವಾ ಸ್ಮೃತ್ವಾ ಪಶುಪಸುದೃಶಃ ಪ್ರೇಮಭಾರಪ್ರಣುನ್ನಾಃ ಕಾರುಣ್ಯೇನ ತ್ವಮಪಿ ವಿವಶಃ ಪ್ರಾಹಿಣೋರುದ್ಧವಂ ತಮ್ । ಕಿಂಚಾಮುಷ್ಮೈ ಪರಮಸುಹೃದೇ ಭಕ್ತವರ್ಯಾಯ ತಾಸಾಂ ಭಕ್ತ್ಯುದ್ರೇಕಂ ಸಕಲಭುವನೇ ದುರ್ಲಭಂ ದರ್ಶಯಿಷ್ಯನ್ ॥2॥

ತ್ವನ್ಮಾಹಾತ್ಮ್ಯಪ್ರಥಿಮಪಿಶುನಂ ಗೋಕುಲಂ ಪ್ರಾಪ್ಯ ಸಾಯಂ ತ್ವದ್ವಾರ್ತಾಭಿರ್ಬಹು ಸ ರಮಯಾಮಾಸ ನಂದಂ ಯಶೋದಾಮ್ । ಪ್ರಾತರ್ದ್ದೃಷ್ಟ್ವಾ ಮಣಿಮಯರಥಂ ಶಂಕಿತಾಃ ಪಂಕಜಾಕ್ಷ್ಯಃ ಶ್ರುತ್ವಾ ಪ್ರಾಪ್ತಂ ಭವದನುಚರಂ ತ್ಯಕ್ತಕಾರ್ಯಾಃ ಸಮೀಯುಃ ॥3॥

ದೃಷ್ಟ್ವಾ ಚೈನಂ ತ್ವದುಪಮಲಸದ್ವೇಷಭೂಷಾಭಿರಾಮಂ ಸ್ಮೃತ್ವಾ ಸ್ಮೃತ್ವಾ ತವ ವಿಲಸಿತಾನ್ಯುಚ್ಚಕೈಸ್ತಾನಿ ತಾನಿ । ರುದ್ಧಾಲಾಪಾಃ ಕಥಮಪಿ ಪುನರ್ಗದ್ಗದಾಂ ವಾಚಮೂಚುಃ ಸೌಜನ್ಯಾದೀನ್ ನಿಜಪರಭಿದಾಮಪ್ಯಲಂ ವಿಸ್ಮರಂತ್ಯಃ ॥4॥

ಶ್ರೀಮಾನ್ ಕಿಂ ತ್ವಂ ಪಿತೃಜನಕೃತೇ ಪ್ರೇಷಿತೋ ನಿರ್ದಯೇನ ಕ್ವಾಸೌ ಕಾಂತೋ ನಗರಸುದೃಶಾಂ ಹಾ ಹರೇ ನಾಥ ಪಾಯಾಃ । ಆಶ್ಲೇಷಾಣಾಮಮೃತವಪುಷೋ ಹಂತ ತೇ ಚುಂಬನಾನಾ- ಮುನ್ಮಾದಾನಾಂ ಕುಹಕವಚಸಾಂ ವಿಸ್ಮರೇತ್ ಕಾಂತ ಕಾ ವಾ ॥5॥

ರಾಸಕ್ರೀಡಾಲುಲಿತಲಲಿತಂ ವಿಶ್ಲಥತ್ಕೇಶಪಾಶಂ ಮಂದೋದ್ಭಿನ್ನಶ್ರಮಜಲಕಣಂ ಲೋಭನೀಯಂ ತ್ವದಂಗಮ್ । ಕಾರುಣ್ಯಾಬ್ಧೇ ಸಕೃದಪಿ ಸಮಾಲಿಂಗಿತುಂ ದರ್ಶಯೇತಿ ಪ್ರೇಮೋನ್ಮಾದಾದ್ಭುವನಮದನ ತ್ವತ್ಪ್ರಿಯಾಸ್ತ್ವಾಂ ವಿಲೇಪುಃ ॥6॥

ಏವಂಪ್ರಾಯೈರ್ವಿವಶವಚನೈರಾಕುಲಾ ಗೋಪಿಕಾಸ್ತಾ- ಸ್ತ್ವತ್ಸಂದೇಶೈಃ ಪ್ರಕೃತಿಮನಯತ್ ಸೋಽಥ ವಿಜ್ಞಾನಗರ್ಭೈಃ । ಭೂಯಸ್ತಾಭಿರ್ಮುದಿತಮತಿಭಿಸ್ತ್ವನ್ಮಯೀಭಿರ್ವಧೂಭಿ- ಸ್ತತ್ತದ್ವಾರ್ತಾಸರಸಮನಯತ್ ಕಾನಿಚಿದ್ವಾಸರಾಣಿ ॥7॥

ತ್ವತ್ಪ್ರೋದ್ಗಾನೈಃ ಸಹಿತಮನಿಶಂ ಸರ್ವತೋ ಗೇಹಕೃತ್ಯಂ ತ್ವದ್ವಾರ್ತೈವ ಪ್ರಸರತಿ ಮಿಥಃ ಸೈವ ಚೋತ್ಸ್ವಾಪಲಾಪಾಃ । ಚೇಷ್ಟಾಃ ಪ್ರಾಯಸ್ತ್ವದನುಕೃತಯಸ್ತ್ವನ್ಮಯಂ ಸರ್ವಮೇವಂ ದೃಷ್ಟ್ವಾ ತತ್ರ ವ್ಯಮುಹದಧಿಕಂ ವಿಸ್ಮಯಾದುದ್ಧವೋಽಯಮ್ ॥8॥

ರಾಧಾಯಾ ಮೇ ಪ್ರಿಯತಮಮಿದಂ ಮತ್ಪ್ರಿಯೈವಂ ಬ್ರವೀತಿ ತ್ವಂ ಕಿಂ ಮೌನಂ ಕಲಯಸಿ ಸಖೇ ಮಾನಿನೀಮತ್ಪ್ರಿಯೇವ। ಇತ್ಯಾದ್ಯೇವ ಪ್ರವದತಿ ಸಖಿ ತ್ವತ್ಪ್ರಿಯೋ ನಿರ್ಜನೇ ಮಾ- ಮಿತ್ಥಂವಾದೈರರಮದಯಂ ತ್ವತ್ಪ್ರಿಯಾಮುತ್ಪಲಾಕ್ಷೀಮ್ ॥9॥

ಏಷ್ಯಾಮಿ ದ್ರಾಗನುಪಗಮನಂ ಕೇವಲಂ ಕಾರ್ಯಭಾರಾ- ದ್ವಿಶ್ಲೇಷೇಽಪಿ ಸ್ಮರಣದೃಢತಾಸಂಭವಾನ್ಮಾಸ್ತು ಖೇದಃ । ಬ್ರಹ್ಮಾನಂದೇ ಮಿಲತಿ ನಚಿರಾತ್ ಸಂಗಮೋ ವಾ ವಿಯೋಗ- ಸ್ತುಲ್ಯೋ ವಃ ಸ್ಯಾದಿತಿ ತವ ಗಿರಾ ಸೋಽಕರೋನ್ನಿರ್ವ್ಯಥಾಸ್ತಾಃ ॥10॥

ಏವಂ ಭಕ್ತಿ ಸಕಲಭುವನೇ ನೇಕ್ಷಿತಾ ನ ಶ್ರುತಾ ವಾ ಕಿಂ ಶಾಸ್ತ್ರೌಘೈಃ ಕಿಮಿಹ ತಪಸಾ ಗೋಪಿಕಾಭ್ಯೋ ನಮೋಽಸ್ತು । ಇತ್ಯಾನಂದಾಕುಲಮುಪಗತಂ ಗೋಕುಲಾದುದ್ಧವಂ ತಂ ದೃಷ್ಟ್ವಾ ಹೃಷ್ಟೋ ಗುರುಪುರಪತೇ ಪಾಹಿ ಮಾಮಾಮಯೌಘಾತ್ ॥11॥

ನಾರಾಯಣೀಯಂ ದಶಕ 76 - ಉದ್ಧವದೌತ್ಯಂ ಬಗ್ಗೆ

ನಾರಾಯಣೀಯದ ಎಪ್ಪತ್ತಾರನೇ ದಶಕ ಕೃಷ್ಣನ ವಿದ್ಯಾಭ್ಯಾಸ ಮತ್ತು ಉದ್ಧವನ ವ್ರಜಯಾತ್ರೆ ಹೇಳುತ್ತದೆ. ಬಲರಾಮನೊಡನೆ ಸಾಂದೀಪನಿ ಮುನಿಯ ಬಳಿ ಹೋಗಿ ಸರ್ವಜ್ಞನಾದ ಕೃಷ್ಣ ಅರವತ್ತನಾಲ್ಕು ದಿನಗಳಲ್ಲಿ ಎಲ್ಲ ವಿದ್ಯೆಗಳನ್ನು ಕಲಿಯುತ್ತಾನೆ; ಗುರುದಕ್ಷಿಣೆಯಾಗಿ ಗುರುವಿನ ಮೃತ ಮಗನನ್ನು ಯಮಲೋಕದಿಂದ ಮರಳಿ ತರುತ್ತಾನೆ. ಗೋಪಿಯರ ಪ್ರೇಮವನ್ನು ಮತ್ತೆ ಮತ್ತೆ ನೆನೆದು ಮಿತ್ರ ಉದ್ಧವನನ್ನು ಸಂದೇಶದೊಡನೆ ವ್ರಜಕ್ಕೆ ಕಳುಹಿಸುತ್ತಾನೆ. ಗೋಪಿಯರ ಅಪಾರ ಭಕ್ತಿ ಕಂಡು ಉದ್ಧವ ಆನಂದಾಕುಲನಾಗಿ ಹೇಳುತ್ತಾನೆ: ಇಂಥ ಭಕ್ತಿ ಲೋಕದಲ್ಲಿ ಎಲ್ಲೂ ಕಂಡಿಲ್ಲ ಕೇಳಿಲ್ಲ; ಶಾಸ್ತ್ರರಾಶಿ ತಪಸ್ಸುಗಳಿಂದ ಏನು ಪ್ರಯೋಜನ? ಗೋಪಿಯರಿಗೆ ನಮಸ್ಕಾರ!

ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)

ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.

ನಿಮಗೆ ಗೊತ್ತೇ?

  • ಗೋಪಿಯರ ಪ್ರೇಮದ ಉದ್ಧವನ ಸ್ತುತಿ ಭ್ರಮರಗೀತೆಯನ್ನೂ ಒಳಗೊಂಡ ಭಾಗವತ ದಶಮ ಸ್ಕಂಧ ೪೭ನೇ ಅಧ್ಯಾಯದಲ್ಲಿದೆ.
  • ಅರವತ್ತನಾಲ್ಕು ದಿನಗಳ ವಿದ್ಯಾಭ್ಯಾಸವನ್ನು ಸಾಂಪ್ರದಾಯಿಕ "ಚತುಃಷಷ್ಟಿ ಕಲೆ"ಗಳೊಡನೆ ಜೋಡಿಸಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಕೃಷ್ಣ ಗುರುವಿಗೆ ಯಾವ ದಕ್ಷಿಣೆ ಕೊಟ್ಟ?

ಗುರುವಿನ ಮೃತ ಮಗನನ್ನು ಮರಳಿ ತಂದ.

ಗೋಪಿಯರ ಬಗ್ಗೆ ಉದ್ಧವ ಏನು ಹೇಳುತ್ತಾನೆ?

ಅಸಮ ಭಕ್ತಿಗಾಗಿ "ಗೋಪಿಯರಿಗೆ ನಮಸ್ಕಾರ".

ನಾರಾಯಣೀಯವನ್ನು ಬರೆದವರು ಯಾರು?

೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.