ನಾರಾಯಣೀಯಂ ದಶಕ 86 - ಸಾಲ್ವವಧಂ ಮಹಾಭಾರತಯುದ್ಧಂ
Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ
ಸಾಲ್ವೋ ಭೈಷ್ಮೀವಿವಾಹೇ ಯದುಬಲವಿಜಿತಶ್ಚಂದ್ರಚೂಡಾದ್ವಿಮಾನಂ ವಿಂದನ್ ಸೌಭಂ ಸ ಮಾಯೀ ತ್ವಯಿ ವಸತಿ ಕುರುಂಸ್ತ್ವತ್ಪುರೀಮಭ್ಯಭಾಂಕ್ಷೀತ್ । ಪ್ರದ್ಯುಮ್ನಸ್ತಂ ನಿರುಂಧನ್ನಿಖಿಲಯದುಭಟೈರ್ನ್ಯಗ್ರಹೀದುಗ್ರವೀರ್ಯಂ ತಸ್ಯಾಮಾತ್ಯಂ ದ್ಯುಮಂತಂ ವ್ಯಜನಿ ಚ ಸಮರಃ ಸಪ್ತವಿಂಶತ್ಯಹಾಂತಃ ॥1॥
ತಾವತ್ತ್ವಂ ರಾಮಶಾಲೀ ತ್ವರಿತಮುಪಗತಃ ಖಂಡಿತಪ್ರಾಯಸೈನ್ಯಂ ಸೌಭೇಶಂ ತಂ ನ್ಯರುಂಧಾಃ ಸ ಚ ಕಿಲ ಗದಯಾ ಶಾರ್ಙ್ಗಮಭ್ರಂಶಯತ್ತೇ । ಮಾಯಾತಾತಂ ವ್ಯಹಿಂಸೀದಪಿ ತವ ಪುರತಸ್ತತ್ತ್ವಯಾಪಿ ಕ್ಷಣಾರ್ಧಂ ನಾಜ್ಞಾಯೀತ್ಯಾಹುರೇಕೇ ತದಿದಮವಮತಂ ವ್ಯಾಸ ಏವ ನ್ಯಷೇಧೀತ್ ॥2॥
ಕ್ಷಿಪ್ತ್ವಾ ಸೌಭಂ ಗದಾಚೂರ್ಣಿತಮುದಕನಿಧೌ ಮಂಕ್ಷು ಸಾಲ್ವೇಽಪಿ ಚಕ್ರೇ- ಣೋತ್ಕೃತ್ತೇ ದಂತವಕ್ತ್ರಃ ಪ್ರಸಭಮಭಿಪತನ್ನಭ್ಯಮುಂಚದ್ಗದಾಂ ತೇ । ಕೌಮೋದಕ್ಯಾ ಹತೋಽಸಾವಪಿ ಸುಕೃತನಿಧಿಶ್ಚೈದ್ಯವತ್ಪ್ರಾಪದೈಕ್ಯಂ ಸರ್ವೇಷಾಮೇಷ ಪೂರ್ವಂ ತ್ವಯಿ ಧೃತಮನಸಾಂ ಮೋಕ್ಷಣಾರ್ಥೋಽವತಾರಃ ॥3॥
ತ್ವಯ್ಯಾಯಾತೇಽಥ ಜಾತೇ ಕಿಲ ಕುರುಸದಸಿ ದ್ಯೂತಕೇ ಸಂಯತಾಯಾಃ ಕ್ರಂದಂತ್ಯಾ ಯಾಜ್ಞಸೇನ್ಯಾಃ ಸಕರುಣಮಕೃಥಾಶ್ಚೇಲಮಾಲಾಮನಂತಾಮ್ । ಅನ್ನಾಂತಪ್ರಾಪ್ತಶರ್ವಾಂಶಜಮುನಿಚಕಿತದ್ರೌಪದೀಚಿಂತಿತೋಽಥ ಪ್ರಾಪ್ತಃ ಶಾಕಾನ್ನಮಶ್ನನ್ ಮುನಿಗಣಮಕೃಥಾಸ್ತೃಪ್ತಿಮಂತಂ ವನಾಂತೇ ॥4॥
ಯುದ್ಧೋದ್ಯೋಗೇಽಥ ಮಂತ್ರೇ ಮಿಲತಿ ಸತಿ ವೃತಃ ಫಲ್ಗುನೇನ ತ್ವಮೇಕಃ ಕೌರವ್ಯೇ ದತ್ತಸೈನ್ಯಃ ಕರಿಪುರಮಗಮೋ ದೂತ್ಯಕೃತ್ ಪಾಂಡವಾರ್ಥಮ್ । ಭೀಷ್ಮದ್ರೋಣಾದಿಮಾನ್ಯೇ ತವ ಖಲು ವಚನೇ ಧಿಕ್ಕೃತೇ ಕೌರವೇಣ ವ್ಯಾವೃಣ್ವನ್ ವಿಶ್ವರೂಪಂ ಮುನಿಸದಸಿ ಪುರೀಂ ಕ್ಷೋಭಯಿತ್ವಾಗತೋಽಭೂಃ ॥5॥
ಜಿಷ್ಣೋಸ್ತ್ವಂ ಕೃಷ್ಣ ಸೂತಃ ಖಲು ಸಮರಮುಖೇ ಬಂಧುಘಾತೇ ದಯಾಲುಂ ಖಿನ್ನಂ ತಂ ವೀಕ್ಷ್ಯ ವೀರಂ ಕಿಮಿದಮಯಿ ಸಖೇ ನಿತ್ಯ ಏಕೋಽಯಮಾತ್ಮಾ । ಕೋ ವಧ್ಯಃ ಕೋಽತ್ರ ಹಂತಾ ತದಿಹ ವಧಭಿಯಂ ಪ್ರೋಜ್ಝ್ಯ ಮಯ್ಯರ್ಪಿತಾತ್ಮಾ ಧರ್ಮ್ಯಂ ಯುದ್ಧಂ ಚರೇತಿ ಪ್ರಕೃತಿಮನಯಥಾ ದರ್ಶಯನ್ ವಿಶ್ವರೂಪಮ್ ॥6॥
ಭಕ್ತೋತ್ತಂಸೇಽಥ ಭೀಷ್ಮೇ ತವ ಧರಣಿಭರಕ್ಷೇಪಕೃತ್ಯೈಕಸಕ್ತೇ ನಿತ್ಯಂ ನಿತ್ಯಂ ವಿಭಿಂದತ್ಯಯುತಸಮಧಿಕಂ ಪ್ರಾಪ್ತಸಾದೇ ಚ ಪಾರ್ಥೇ । ನಿಶ್ಶಸ್ತ್ರತ್ವಪ್ರತಿಜ್ಞಾಂ ವಿಜಹದರಿವರಂ ಧಾರಯನ್ ಕ್ರೋಧಶಾಲೀ- ವಾಧಾವನ್ ಪ್ರಾಂಜಲಿಂ ತಂ ನತಶಿರಸಮಥೋ ವೀಕ್ಷ್ಯ ಮೋದಾದಪಾಗಾಃ ॥7॥
ಯುದ್ಧೇ ದ್ರೋಣಸ್ಯ ಹಸ್ತಿಸ್ಥಿರರಣಭಗದತ್ತೇರಿತಂ ವೈಷ್ಣವಾಸ್ತ್ರಂ ವಕ್ಷಸ್ಯಾಧತ್ತ ಚಕ್ರಸ್ಥಗಿತರವಿಮಹಾಃ ಪ್ರಾರ್ದಯತ್ಸಿಂಧುರಾಜಮ್ । ನಾಗಾಸ್ತ್ರೇ ಕರ್ಣಮುಕ್ತೇ ಕ್ಷಿತಿಮವನಮಯನ್ ಕೇವಲಂ ಕೃತ್ತಮೌಲಿಂ ತತ್ರೇ ತ್ರಾಪಿ ಪಾರ್ಥಂ ಕಿಮಿವ ನಹಿ ಭವಾನ್ ಪಾಂಡವಾನಾಮಕಾರ್ಷೀತ್ ॥8॥
ಯುದ್ಧಾದೌ ತೀರ್ಥಗಾಮೀ ಸ ಖಲು ಹಲಧರೋ ನೈಮಿಶಕ್ಷೇತ್ರಮೃಚ್ಛ- ನ್ನಪ್ರತ್ಯುತ್ಥಾಯಿಸೂತಕ್ಷಯಕೃದಥ ಸುತಂ ತತ್ಪದೇ ಕಲ್ಪಯಿತ್ವಾ । ಯಜ್ಞಘ್ನಂ ವಲ್ಕಲಂ ಪರ್ವಣಿ ಪರಿದಲಯನ್ ಸ್ನಾತತೀರ್ಥೋ ರಣಾಂತೇ ಸಂಪ್ರಾಪ್ತೋ ಭೀಮದುರ್ಯೋಧನರಣಮಶಮಂ ವೀಕ್ಷ್ಯ ಯಾತಃ ಪುರೀಂ ತೇ ॥9॥
ಸಂಸುಪ್ತದ್ರೌಪದೇಯಕ್ಷಪಣಹತಧಿಯಂ ದ್ರೌಣಿಮೇತ್ಯ ತ್ವದುಕ್ತ್ಯಾ ತನ್ಮುಕ್ತಂ ಬ್ರಾಹ್ಮಮಸ್ತ್ರಂ ಸಮಹೃತ ವಿಜಯೋ ಮೌಲಿರತ್ನಂ ಚ ಜಹ್ರೇ । ಉಚ್ಛಿತ್ಯೈ ಪಾಂಡವಾನಾಂ ಪುನರಪಿ ಚ ವಿಶತ್ಯುತ್ತರಾಗರ್ಭಮಸ್ತ್ರೇ ರಕ್ಷನ್ನಂಗುಷ್ಠಮಾತ್ರಃ ಕಿಲ ಜಠರಮಗಾಶ್ಚಕ್ರಪಾಣಿರ್ವಿಭೋ ತ್ವಮ್ ॥10॥
ಧರ್ಮೌಘಂ ಧರ್ಮಸೂನೋರಭಿದಧದಖಿಲಂ ಛಂದಮೃತ್ಯುಸ್ಸ ಭೀಷ್ಮ- ಸ್ತ್ವಾಂ ಪಶ್ಯನ್ ಭಕ್ತಿಭೂಮ್ನೈವ ಹಿ ಸಪದಿ ಯಯೌ ನಿಷ್ಕಲಬ್ರಹ್ಮಭೂಯಮ್ । ಸಂಯಾಜ್ಯಾಥಾಶ್ವಮೇಧೈಸ್ತ್ರಿಭಿರತಿಮಹಿತೈರ್ಧರ್ಮಜಂ ಪೂರ್ಣಕಾಮಂ ಸಂಪ್ರಾಪ್ತೋ ದ್ವರಕಾಂ ತ್ವಂ ಪವನಪುರಪತೇ ಪಾಹಿ ಮಾಂ ಸರ್ವರೋಗಾತ್ ॥11॥
ನಾರಾಯಣೀಯಂ ದಶಕ 86 - ಸಾಲ್ವವಧಂ ಮಹಾಭಾರತಯುದ್ಧಂ ಬಗ್ಗೆ
ನಾರಾಯಣೀಯದ ೮೬ನೇ ದಶಕ ಕೃಷ್ಣ ಇಲ್ಲದಾಗ ಮಾಯೆಯ ಹಾರುವ ನಗರ ಸೌಭದಿಂದ ದ್ವಾರಕೆಯ ಮೇಲೆ ದಾಳಿ ಮಾಡಿ ಸೋತ ಸಾಲ್ವನ ಕಥೆಯಿಂದ ಆರಂಭ. ನಂತರ ಮಹಾಭಾರತ ಯುದ್ಧ ಮತ್ತು ಅದರ ಅಂತ್ಯಕ್ಕೆ ಬರುತ್ತದೆ: ಯುಧಿಷ್ಠಿರನಿಗೆ ಸಕಲ ಧರ್ಮವನ್ನೂ ಬೋಧಿಸಿ ಪ್ರಭುವನ್ನು ನೋಡುತ್ತಾ ಭೀಷ್ಮ ಬ್ರಹ್ಮದಲ್ಲಿ ಲೀನನಾಗುತ್ತಾನೆ; ಯುಧಿಷ್ಠಿರ ಮೂರು ಅಶ್ವಮೇಧಗಳನ್ನು ಮಾಡುತ್ತಾನೆ; ಕೃಷ್ಣ ದ್ವಾರಕೆಗೆ ಮರಳುತ್ತಾನೆ.
ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)
ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.
ನಿಮಗೆ ಗೊತ್ತೇ?
- ಪ್ರತಿ ದಶಕವೂ ಗುರುವಾಯೂರಿನ ಪ್ರಭುವಿಗೆ (ವಾತಾಲಯೇಶ, ಮರುತ್ಪುರೇಶ) ಪ್ರಾರ್ಥನೆಯೊಂದಿಗೆ ಮುಗಿಯುತ್ತದೆ.
- ನಾರಾಯಣೀಯ ಭಾಗವತ ಪುರಾಣವನ್ನು ೧೦೦ ದಶಕಗಳಲ್ಲಿ (ತಲಾ ಸುಮಾರು ಹತ್ತು ಶ್ಲೋಕಗಳು) ಗುರುವಾಯೂರಿನ ಕೃಷ್ಣನನ್ನು ಉದ್ದೇಶಿಸಿ ಮರುಹೇಳುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಸಾಲ್ವ ಯಾರು?
ಹಾರುವ ನಗರ ಸೌಭದಿಂದ ದ್ವಾರಕೆಯ ಮೇಲೆ ದಾಳಿ ಮಾಡಿದ ರಾಜ.
ಇಲ್ಲಿ ಭೀಷ್ಮನ ಜೀವನ ಹೇಗೆ ಮುಗಿಯುತ್ತದೆ?
ಯುಧಿಷ್ಠಿರನಿಗೆ ಬೋಧಿಸಿದ ನಂತರ ಕೃಷ್ಣನನ್ನು ನೋಡುತ್ತಾ ಬ್ರಹ್ಮದಲ್ಲಿ ಲೀನನಾಗುತ್ತಾನೆ.
ನಾರಾಯಣೀಯವನ್ನು ಬರೆದವರು ಯಾರು?
೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು