MuhurtaNow

ನಾರಾಯಣೀಯಂ ದಶಕ 88 - ಸಂತಾನಗೋಪಾಲಂ

Vishnu · ಸಾಂಪ್ರದಾಯಿಕ ಭಕ್ತಿ ಪಠ್ಯ

പ്രാഗേവാചാര്യപുത്രാഹൃതിനിശമനയാ സ്വീയഷട്സൂനുവീക്ഷാം കാംക്ഷംത്യാ മാതുരുക്ത്യാ സുതലഭുവി ബലിം പ്രാപ്യ തേനാര്ചിതസ്ത്വമ് । ധാതുഃ ശാപാദ്ധിരണ്യാന്വിതകശിപുഭവാന് ശൌരിജാന് കംസഭഗ്നാ- നാനീയൈനാന് പ്രദര്ശ്യ സ്വപദമനയഥാഃ പൂർവപുത്രാന് മരീചേഃ ॥1॥

ശ്രുതദേവ ഇതി ശ്രുതം ദ്വിജേംദ്രം ബഹുലാശ്വം നൃപതിം ച ഭക്തിപൂര്ണമ് । യുഗപത്ത്വമനുഗ്രഹീതുകാമോ മിഥിലാം പ്രാപിഥം താപസൈഃ സമേതഃ ॥2॥

ഗച്ഛന് ദ്വിമൂര്തിരുഭയോര്യുഗപന്നികേത- മേകേന ഭൂരിവിഭവൈർവിഹിതോപചാരഃ । അന്യേന തദ്ദിനഭൃതൈശ്ച ഫലൌദനാദ്യൈ- സ്തുല്യം പ്രസേദിഥ ദദഥ ച മുക്തിമാഭ്യാമ് ॥3॥

ഭൂയോഽഥ ദ്വാരവത്യാം ദ്വിജതനയമൃതിം തത്പ്രലാപാനപി ത്വമ് കോ വാ ദൈവം നിരുംധ്യാദിതി കില കഥയന് വിശ്വവോഢാപ്യസോഢാഃ । ജിഷ്ണോര്ഗർവം വിനേതും ത്വയി മനുജധിയാ കുംഠിതാം ചാസ്യ ബുദ്ധിം തത്ത്വാരൂഢാം വിധാതും പരമതമപദപ്രേക്ഷണേനേതി മന്യേ ॥4॥

നഷ്ടാ അഷ്ടാസ്യ പുത്രാഃ പുനരപി തവ തൂപേക്ഷയാ കഷ്ടവാദഃ സ്പഷ്ടോ ജാതോ ജനാനാമഥ തദവസരേ ദ്വാരകാമാപ പാര്ഥഃ । മൈത്ര്യാ തത്രോഷിതോഽസൌ നവമസുതമൃതൌ വിപ്രവര്യപ്രരോദം ശ്രുത്വാ ചക്രേ പ്രതിജ്ഞാമനുപഹൃതസുതഃ സന്നിവേക്ഷ്യേ കൃശാനുമ് ॥5॥

മാനീ സ ത്വാമപൃഷ്ട്വാ ദ്വിജനിലയഗതോ ബാണജാലൈര്മഹാസ്ത്രൈ രുംധാനഃ സൂതിഗേഹം പുനരപി സഹസാ ദൃഷ്ടനഷ്ടേ കുമാരേ । യാമ്യാമൈംദ്രീം തഥാഽന്യാഃ സുരവരനഗരീർവിദ്യയാഽഽസാദ്യ സദ്യോ മോഘോദ്യോഗഃ പതിഷ്യന് ഹുതഭുജി ഭവതാ സസ്മിതം വാരിതോഽഭൂത് ॥6॥

സാര്ധം തേന പ്രതീചീം ദിശമതിജവിനാ സ്യംദനേനാഭിയാതോ ലോകാലോകം വ്യതീതസ്തിമിരഭരമഥോ ചക്രധാമ്നാ നിരുംധന് । ചക്രാംശുക്ലിഷ്ടദൃഷ്ടിം സ്ഥിതമഥ വിജയം പശ്യ പശ്യേതി വാരാം പാരേ ത്വം പ്രാദദര്ശഃ കിമപി ഹി തമസാം ദൂരദൂരം പദം തേ ॥7॥

തത്രാസീനം ഭുജംഗാധിപശയനതലേ ദിവ്യഭൂഷായുധാദ്യൈ- രാവീതം പീതചേലം പ്രതിനവജലദശ്യാമലം ശ്രീമദംഗമ് । മൂര്തീനാമീശിതാരം പരമിഹ തിസൃണാമേകമര്ഥം ശ്രുതീനാം ത്വാമേവ ത്വം പരാത്മന് പ്രിയസഖസഹിതോ നേമിഥ ക്ഷേമരൂപമ് ॥8॥

യുവാം മാമേവ ദ്വാവധികവിവൃതാംതര്ഹിതതയാ വിഭിന്നൌ സംദ്രഷ്ടും സ്വയമഹമഹാര്ഷം ദ്വിജസുതാന് । നയേതം ദ്രാഗേതാനിതി ഖലു വിതീര്ണാന് പുനരമൂന് ദ്വിജായാദായാദാഃ പ്രണുതമഹിമാ പാംഡുജനുഷാ ॥9॥

ഏവം നാനാവിഹാരൈര്ജഗദഭിരമയന് വൃഷ്ണിവംശം പ്രപുഷ്ണ- ന്നീജാനോ യജ്ഞഭേദൈരതുലവിഹൃതിഭിഃ പ്രീണയന്നേണനേത്രാഃ । ഭൂഭാരക്ഷേപദംഭാത് പദകമലജുഷാം മോക്ഷണായാവതീര്ണഃ പൂര്ണം ബ്രഹ്മൈവ സാക്ഷാദ്യദുഷു മനുജതാരൂഷിതസ്ത്വം വ്യലാസീഃ ॥10॥

പ്രായേണ ദ്വാരവത്യാമവൃതദയി തദാ നാരദസ്ത്വദ്രസാര്ദ്ര- സ്തസ്മാല്ലേഭേ കദാചിത്ഖലു സുകൃതനിധിസ്ത്വത്പിതാ തത്ത്വബോധമ് । ഭക്താനാമഗ്രയായീ സ ച ഖലു മതിമാനുദ്ധവസ്ത്വത്ത ഏവ പ്രാപ്തോ വിജ്ഞാനസാരം സ കില ജനഹിതായാധുനാഽഽസ്തേ ബദര്യാമ് ॥11॥

സോഽയം കൃഷ്ണാവതാരോ ജയതി തവ വിഭോ യത്ര സൌഹാര്ദഭീതി- സ്നേഹദ്വേഷാനുരാഗപ്രഭൃതിഭിരതുലൈരശ്രമൈര്യോഗഭേദൈഃ । ആര്തിം തീര്ത്വാ സമസ്താമമൃതപദമഗുസ്സർവതഃ സർവലോകാഃ സ ത്വം വിശ്വാര്തിശാംത്യൈ പവനപുരപതേ ഭക്തിപൂര്ത്യൈ ച ഭൂയാഃ ॥12॥

ನಾರಾಯಣೀಯಂ ದಶಕ 88 - ಸಂತಾನಗೋಪಾಲಂ ಬಗ್ಗೆ

ನಾರಾಯಣೀಯದ ಎಂಬತ್ತೆಂಟನೇ ದಶಕ ಕೃಷ್ಣನ ನಂತರದ ಅನುಗ್ರಹ ಕಾರ್ಯಗಳನ್ನು ಹೇಳುತ್ತದೆ. ಹಿಂದೆ ಗುರುಪುತ್ರನನ್ನು ಮರಳಿ ತಂದುದನ್ನು ಕೇಳಿದ ತಾಯಿ ದೇವಕಿಯ ಬಯಕೆಯಂತೆ ಅವನು ಸುತಲಕ್ಕೆ ಹೋಗಿ ಬಲಿಯಿಂದ ಪೂಜಿತನಾಗಿ ಕಂಸ ಕೊಂದ ಅವಳ ಆರು ಮಕ್ಕಳನ್ನು ಮರಳಿ ತರುತ್ತಾನೆ. ಮಿಥಿಲೆಗೆ ಹೋಗಿ ಬ್ರಾಹ್ಮಣ ಶ್ರುತದೇವ ಮತ್ತು ರಾಜ ಬಹುಲಾಶ್ವ ಎಂಬ ಇಬ್ಬರು ಭಕ್ತರನ್ನು ಒಂದೇ ಸಮಯದಲ್ಲಿ ಎರಡೂ ಮನೆಗಳಲ್ಲಿ ಕಾಣಿಸಿಕೊಂಡು ಅನುಗ್ರಹಿಸುತ್ತಾನೆ. ಅರ್ಜುನನೊಡನೆ ಲೋಕಗಳಾಚೆ ಹೋಗಿ ದ್ವಾರಕೆಯ ಬ್ರಾಹ್ಮಣನ ಕಳೆದ ಮಕ್ಕಳನ್ನು ಮರಳಿ ತರುತ್ತಾನೆ. ಸ್ನೇಹ, ಭಯ, ಪ್ರೇಮ, ದ್ವೇಷ, ಅನುರಾಗ ಎಲ್ಲ ಭಾವಗಳಿಂದ ಜನ ಭಗವಂತನನ್ನು ಸೇರಿದ ಕೃಷ್ಣಾವತಾರದ ಸ್ತುತಿಯೊಡನೆ ದಶಕ ಮುಗಿಯುತ್ತದೆ.

ರಚನೆಕಾರರು: ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ (೧೫೬೦ ರಿಂದ ೧೬೪೬)

ಯಾವಾಗ ಪಠಿಸಬೇಕು: ದಿನನಿತ್ಯದ ನಾರಾಯಣೀಯ ಪಾರಾಯಣದಲ್ಲಿ ಮತ್ತು ಗುರುವಾಯೂರಿನಲ್ಲಿ.

ನಿಮಗೆ ಗೊತ್ತೇ?

  • ಒಂದೇ ಸಮಯದಲ್ಲಿ ಎರಡು ಮನೆಗಳಲ್ಲಿ ಕಾಣಿಸಿಕೊಂಡು ಕೃಷ್ಣ ಪ್ರತಿ ಭಕ್ತನ ಪ್ರೇಮಕ್ಕೂ ಪೂರ್ಣವಾಗಿ ಸ್ಪಂದಿಸುತ್ತಾನೆ ಎಂದು ತೋರಿದ.
  • ಶಿಶುಪಾಲನಂತೆ ಕೃಷ್ಣನ ಮೇಲಿನ ದ್ವೇಷವೂ ನಿರಂತರ ಚಿಂತನೆಯಿಂದ ಮುಕ್ತಿಗೆ ಒಯ್ಯಿತು ಎನ್ನುತ್ತದೆ ಕೊನೆಯ ಶ್ಲೋಕ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಕೃಷ್ಣ ಸುತಲದಿಂದ ಯಾರ ಮಕ್ಕಳನ್ನು ಮರಳಿ ತರುತ್ತಾನೆ?

ಕಂಸ ಕೊಂದ ದೇವಕಿಯ ಆರು ಮಕ್ಕಳನ್ನು.

ಮಿಥಿಲೆಯಲ್ಲಿ ಯಾವ ಇಬ್ಬರು ಭಕ್ತರನ್ನು ಅನುಗ್ರಹಿಸುತ್ತಾನೆ?

ಶ್ರುತದೇವ ಮತ್ತು ರಾಜ ಬಹುಲಾಶ್ವ.

ನಾರಾಯಣೀಯವನ್ನು ಬರೆದವರು ಯಾರು?

೧೫೮೬ರಲ್ಲಿ ಮೇಲ್ಪತ್ತೂರು ನಾರಾಯಣ ಭಟ್ಟತಿರಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.