MuhurtaNow

ಚಾಣಕ್ಯ ನೀತಿ - ಪಂಚಮೋಽಧ್ಯಾಯಃ

Chanakya Neethi · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಗುರುರಗ್ನಿರ್ದ್ವಿಜಾತೀನಾಂ ವರ್ಣಾನಾಂ ಬ್ರಾಹ್ಮಣೋ ಗುರುಃ । ಪತಿರೇವ ಗುರುಃ ಸ್ತ್ರೀಣಾಂ ಸರ್ವಸ್ಯಾಭ್ಯಾಗತೋ ಗುರುಃ ॥ 01 ॥

ಯಥಾ ಚತುರ್ಭಿಃ ಕನಕಂ ಪರೀಕ್ಷ್ಯತೇ ನಿಘರ್ಷಣಚ್ಛೇದನತಾಪತಾಡನೈಃ । ತಥಾ ಚತುರ್ಭಿಃ ಪುರುಷಃ ಪರೀಕ್ಷ್ಯತೇ ತ್ಯಾಗೇನ ಶೀಲೇನ ಗುಣೇನ ಕರ್ಮಣಾ ॥ 02 ॥

ತಾವದ್ಭಯೇಷು ಭೇತವ್ಯಂ ಯಾವದ್ಭಯಮನಾಗತಮ್ । ಆಗತಂ ತು ಭಯಂ ವೀಕ್ಷ್ಯ ಪ್ರಹರ್ತವ್ಯಮಶಂಕಯಾ ॥ 03 ॥

ಏಕೋದರಸಮುದ್ಭೂತಾ ಏಕನಕ್ಷತ್ರಜಾತಕಾಃ । ನ ಭವಂತಿ ಸಮಾಃ ಶೀಲೇ ಯಥಾ ಬದರಕಂಟಕಾಃ ॥ 04 ॥

ನಿಃಸ್ಪೃಹೋ ನಾಧಿಕಾರೀ ಸ್ಯಾನ್ ನಾಕಾಮೋ ಮಂಡನಪ್ರಿಯಃ । ನಾವಿದಗ್ಧಃ ಪ್ರಿಯಂ ಬ್ರೂಯಾತ್ಸ್ಪಷ್ಟವಕ್ತಾ ನ ವಂಚಕಃ ॥ 05 ॥

ಮೂರ್ಖಾಣಾಂ ಪಂಡಿತಾ ದ್ವೇಷ್ಯಾ ಅಧನಾನಾಂ ಮಹಾಧನಾಃ । ಪರಾಂಗನಾ ಕುಲಸ್ತ್ರೀಣಾಂ ಸುಭಗಾನಾಂ ಚ ದುರ್ಭಗಾಃ ॥ 06 ॥

ಆಲಸ್ಯೋಪಗತಾ ವಿದ್ಯಾ ಪರಹಸ್ತಗತಂ ಧನಮ್ । ಅಲ್ಪಬೀಜಂ ಹತಂ ಕ್ಷೇತ್ರಂ ಹತಂ ಸೈನ್ಯಮನಾಯಕಂ ॥ 07 ॥

ಅಭ್ಯಾಸಾದ್ಧಾರ್ಯತೇ ವಿದ್ಯಾ ಕುಲಂ ಶೀಲೇನ ಧಾರ್ಯತೇ । ಗುಣೇನ ಜ್ಞಾಯತೇ ತ್ವಾರ್ಯಃ ಕೋಪೋ ನೇತ್ರೇಣ ಗಮ್ಯತೇ ॥ 08 ॥

ವಿತ್ತೇನ ರಕ್ಷ್ಯತೇ ಧರ್ಮೋ ವಿದ್ಯಾ ಯೋಗೇನ ರಕ್ಷ್ಯತೇ । ಮೃದುನಾ ರಕ್ಷ್ಯತೇ ಭೂಪಃ ಸತ್ಸ್ತ್ರಿಯಾ ರಕ್ಷ್ಯತೇ ಗೃಹಂ ॥ 09 ॥

ಅನ್ಯಥಾ ವೇದಶಾಸ್ತ್ರಾಣಿ ಜ್ಞಾನಪಾಂಡಿತ್ಯಮನ್ಯಥಾ । ಅನ್ಯಥಾ ತತ್ಪದಂ ಶಾಂತಂ ಲೋಕಾಃ ಕ್ಲಿಶ್ಯಂತಿ ಚಾಹ್ನ್ಯಥಾ ॥ 10 ॥

ದಾರಿದ್ರ್ಯನಾಶನಂ ದಾನಂ ಶೀಲಂ ದುರ್ಗತಿನಾಶನಮ್ । ಅಜ್ಞಾನನಾಶಿನೀ ಪ್ರಜ್ಞಾ ಭಾವನಾ ಭಯನಾಶಿನೀ ॥ 11 ॥

ನಾಸ್ತಿ ಕಾಮಸಮೋ ವ್ಯಾಧಿರ್ನಾಸ್ತಿ ಮೋಹಸಮೋ ರಿಪುಃ । ನಾಸ್ತಿ ಕೋಪಸಮೋ ವಹ್ನಿರ್ನಾಸ್ತಿ ಜ್ಞಾನಾತ್ಪರಂ ಸುಖಂ ॥ 12 ॥

ಜನ್ಮಮೃತ್ಯೂ ಹಿ ಯಾತ್ಯೇಕೋ ಭುನಕ್ತ್ಯೇಕಃ ಶುಭಾಶುಭಮ್ । ನರಕೇಷು ಪತತ್ಯೇಕ ಏಕೋ ಯಾತಿ ಪರಾಂ ಗತಿಂ ॥ 13 ॥

ತೃಣಂ ಬ್ರಹ್ಮವಿದಃ ಸ್ವರ್ಗಸ್ತೃಣಂ ಶೂರಸ್ಯ ಜೀವಿತಮ್ । ಜಿತಾಶಸ್ಯ ತೃಣಂ ನಾರೀ ನಿಃಸ್ಪೃಹಸ್ಯ ತೃಣಂ ಜಗತ್ ॥ 14 ॥

ವಿದ್ಯಾ ಮಿತ್ರಂ ಪ್ರವಾಸೇ ಚ ಭಾರ್ಯಾ ಮಿತ್ರಂ ಗೃಹೇಷು ಚ । ವ್ಯಾಧಿತಸ್ಯೌಷಧಂ ಮಿತ್ರಂ ಧರ್ಮೋ ಮಿತ್ರಂ ಮೃತಸ್ಯ ಚ ॥ 15 ॥

ವೃಥಾ ವೃಷ್ಟಿಃ ಸಮುದ್ರೇಷು ವೃಥಾ ತೃಪ್ತಸ್ಯ ಭೋಜನಮ್ । ವೃಥಾ ದಾನಂ ಸಮರ್ಥಸ್ಯ ವೃಥಾ ದೀಪೋ ದಿವಾಪಿ ಚ ॥ 16 ॥

ನಾಸ್ತಿ ಮೇಘಸಮಂ ತೋಯಂ ನಾಸ್ತಿ ಚಾತ್ಮಸಮಂ ಬಲಮ್ । ನಾಸ್ತಿ ಚಕ್ಷುಃಸಮಂ ತೇಜೋ ನಾಸ್ತಿ ಧಾನ್ಯಸಮಂ ಪ್ರಿಯಂ ॥ 17 ॥

ಅಧನಾ ಧನಮಿಚ್ಛಂತಿ ವಾಚಂ ಚೈವ ಚತುಷ್ಪದಾಃ । ಮಾನವಾಃ ಸ್ವರ್ಗಮಿಚ್ಛಂತಿ ಮೋಕ್ಷಮಿಚ್ಛಂತಿ ದೇವತಾಃ ॥ 18 ॥

ಸತ್ಯೇನ ಧಾರ್ಯತೇ ಪೃಥ್ವೀ ಸತ್ಯೇನ ತಪತೇ ರವಿಃ । ಸತ್ಯೇನ ವಾತಿ ವಾಯುಶ್ಚ ಸರ್ವಂ ಸತ್ಯೇ ಪ್ರತಿಷ್ಠಿತಂ ॥ 19 ॥

ಚಲಾ ಲಕ್ಷ್ಮೀಶ್ಚಲಾಃ ಪ್ರಾಣಾಶ್ಚಲೇ ಜೀವಿತಮಂದಿರೇ । ಚಲಾಚಲೇ ಚ ಸಂಸಾರೇ ಧರ್ಮ ಏಕೋ ಹಿ ನಿಶ್ಚಲಃ ॥ 20 ॥

ನರಾಣಾಂ ನಾಪಿತೋ ಧೂರ್ತಃ ಪಕ್ಷಿಣಾಂ ಚೈವ ವಾಯಸಃ । ಚತುಷ್ಪಾದಂ ಶ‍ಋಗಾಲಸ್ತು ಸ್ತ್ರೀಣಾಂ ಧೂರ್ತಾ ಚ ಮಾಲಿನೀ ॥ 21 ॥

ಜನಿತಾ ಚೋಪನೇತಾ ಚ ಯಸ್ತು ವಿದ್ಯಾಂ ಪ್ರಯಚ್ಛತಿ । ಅನ್ನದಾತಾ ಭಯತ್ರಾತಾ ಪಂಚೈತೇ ಪಿತರಃ ಸ್ಮೃತಾಃ ॥ 22 ॥

ರಾಜಪತ್ನೀ ಗುರೋಃ ಪತ್ನೀ ಮಿತ್ರಪತ್ನೀ ತಥೈವ ಚ । ಪತ್ನೀಮಾತಾ ಸ್ವಮಾತಾ ಚ ಪಂಚೈತಾ ಮಾತರಃ ಸ್ಮೃತಾಃ ॥ 23 ॥

ಚಾಣಕ್ಯ ನೀತಿ - ಪಂಚಮೋಽಧ್ಯಾಯಃ ಬಗ್ಗೆ

ಇದು ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ ಸೂಕ್ತಿಗಳ ಚಾಣಕ್ಯನೀತಿಯ ಐದನೇ ಅಧ್ಯಾಯ. ಇದರ ಅತಿ ಪ್ರಸಿದ್ಧ ಶ್ಲೋಕ: ಉಜ್ಜುವುದು, ಕತ್ತರಿಸುವುದು, ಕಾಯಿಸುವುದು, ಬಡಿಯುವುದು ಎಂಬ ನಾಲ್ಕು ರೀತಿಯಲ್ಲಿ ಚಿನ್ನವನ್ನು ಪರೀಕ್ಷಿಸುವಂತೆ ತ್ಯಾಗ, ಶೀಲ, ಗುಣ, ಕರ್ಮ ಎಂಬ ನಾಲ್ಕರಿಂದ ಮನುಷ್ಯನನ್ನು ಪರೀಕ್ಷಿಸಬೇಕು. ಯಾರನ್ನು ಗುರುವಾಗಿ ಗೌರವಿಸಬೇಕು, ಎಲ್ಲರಿಂದ ಗೌರವಿತ ಅತಿಥಿ ಬಗ್ಗೆಯೂ ಶ್ಲೋಕಗಳು ಹೇಳುತ್ತವೆ; ರಾಜಪತ್ನಿ, ಗುರುಪತ್ನಿ, ಮಿತ್ರಪತ್ನಿ, ಪತ್ನಿಯ ತಾಯಿ, ಸ್ವಂತ ತಾಯಿ ಎಂಬ ಐವರು ತಾಯಂದಿರನ್ನು ಹೆಸರಿಸಿ ಮುಗಿಯುತ್ತದೆ.

ರಚನೆಕಾರರು: ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ

ಯಾವಾಗ ಪಠಿಸಬೇಕು: ವ್ಯಾವಹಾರಿಕ ಜ್ಞಾನ (ನೀತಿ)ದ ಓದು ಅಧ್ಯಯನದಲ್ಲಿ, ಮತ್ತು ನಡತೆ ಕುರಿತ ಉಪನ್ಯಾಸಗಳಲ್ಲಿ.

ನಿಮಗೆ ಗೊತ್ತೇ?

  • ನಾಲ್ಕು ರೀತಿ ಪರೀಕ್ಷಿಸುವ ಚಿನ್ನಕ್ಕೆ ಮನುಷ್ಯನನ್ನು ಹೋಲಿಸುವ ಶ್ಲೋಕ ಚಾಣಕ್ಯನೀತಿಯ ಅತಿ ಉಲ್ಲೇಖಿತವುಗಳಲ್ಲಿ ಒಂದು.
  • ಚಾಣಕ್ಯನೀತಿಯ ಕೆಲವು ಶ್ಲೋಕಗಳು ಅವುಗಳ ಕಾಲದ ಮನೋಭಾವ ಪ್ರತಿಬಿಂಬಿಸುತ್ತವೆ; ಇಂದು ಅದನ್ನು ಗಮನದಲ್ಲಿಟ್ಟು ಓದಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಈ ಅಧ್ಯಾಯದಂತೆ ಮನುಷ್ಯನನ್ನು ಹೇಗೆ ಪರೀಕ್ಷಿಸಬೇಕು?

ತ್ಯಾಗ, ಶೀಲ, ಗುಣ, ಕರ್ಮಗಳಿಂದ.

ಚಿನ್ನವನ್ನು ಹೇಗೆ ಪರೀಕ್ಷಿಸುತ್ತಾರೆ?

ಉಜ್ಜುವುದು, ಕತ್ತರಿಸುವುದು, ಕಾಯಿಸುವುದು, ಬಡಿಯುವುದರಿಂದ.

ಕೊನೆಯ ಶ್ಲೋಕ ಎಷ್ಟು ತಾಯಂದಿರನ್ನು ಹೆಸರಿಸುತ್ತದೆ?

ಐವರು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.