MuhurtaNow

ಚಾಣಕ್ಯ ನೀತಿ - ಸಪ್ತದಶೋಽಧ್ಯಾಯಃ

Chanakya Neethi · ಸಾಂಪ್ರದಾಯಿಕ ಭಕ್ತಿ ಪಠ್ಯ

পুস্তকপ্রত্যয়াধীতং নাধীতং গুরুসন্নিধৌ । সভামধ্য়ে ন শোভংতে জারগর্ভা ইব স্ত্রিয়ঃ ॥ 01 ॥

কৃতে প্রতিকৃতিং কুর্য়াদ্ধিংসনে প্রতিহিংসনম্ । তত্র দোষো ন পততি দুষ্টে দুষ্টং সমাচরেত্ ॥ 02 ॥

যদ্দূরং যদ্দুরারাধ্য়ং যচ্চ দূরে ব্যবস্থিতম্ । তত্সর্বং তপসা সাধ্য়ং তপো হি দুরতিক্রমম্ ॥ 03 ॥

লোভশ্চেদগুণেন কিং পিশুনতা যদ্যস্তি কিং পাতকৈঃ সত্য়ং চেত্তপসা চ কিং শুচি মনো যদ্যস্তি তীর্থেন কিম্ । সৌজন্য়ং যদি কিং গুণৈঃ সুমহিমা যদ্যস্তি কিং মংডনৈঃ সদ্বিদ্য়া যদি কিং ধনৈরপযশো যদ্যস্তি কিং মৃত্য়ুনা ॥ 04 ॥

পিতা রত্নাকরো যস্য় লক্ষ্মীর্যস্য় সহোদরা । শংখো ভিক্ষাটনং কুর্য়ান্ন দত্তমুপতিষ্ঠতে ॥ 05 ॥

অশক্তস্তু ভবেত্সাধু-র্ব্রহ্মচারী বা নির্ধনঃ । ব্য়াধিতো দেবভক্তশ্চ বৃদ্ধা নারী পতিব্রতা ॥ 06 ॥

নাঽন্নোদকসমং দানং ন তিথির্দ্বাদশী সমা । ন গাযত্র্য়াঃ পরো মংত্রো ন মাতুর্দৈবতং পরম্ ॥ 07 ॥

তক্ষকস্য় বিষং দংতে মক্ষিকায়াস্তু মস্তকে । বৃশ্চিকস্য় বিষং পুচ্ছে সর্বাংগে দুর্জনে বিষম্ ॥ 08 ॥

পত্য়ুরাজ্ঞাং বিনা নারী হ্য়ুপোষ্য় ব্রতচারিণী । আয়ুষ্য়ং হরতে ভর্তুঃ সা নারী নরকং ব্রজেত্ ॥ 09 ॥

ন দানৈঃ শুধ্যতে নারী নোপবাসশতৈরপি । ন তীর্থসেবয়া তদ্বদ্ভর্তুঃ পদোদকৈর্যথা ॥ 10 ॥

পাদশেষং পীতশেষং সংধ্য়াশেষং তথৈব চ । শ্বানমূত্রসমং তোয়ং পীত্বা চাংদ্রাযণং চরেত্ ॥ 11 ॥

দানেন পাণির্ন তু কংকণেন স্নানেন শুদ্ধির্ন তু চংদনেন । মানেন তৃপ্তির্ন তু ভোজনেন জ্ঞানেন মুক্তির্ন তু মুংডনেন ॥ 12 ॥

নাপিতস্য় গৃহে ক্ষৌরং পাষাণে গংধলেপনম্ । আত্মরূপং জলে পশ্যন্ শক্রস্য়াপি শ্রিয়ং হরেত্ ॥ 13 ॥

সদ্য়ঃ প্রজ্ঞাহরা তুংডী সদ্য়ঃ প্রজ্ঞাকরী বচা । সদ্য়ঃ শক্তিহরা নারী সদ্য়ঃ শক্তিকরং পয়ঃ ॥ 14 ॥

পরোপকরণং যেষাং জাগর্তি হৃদয়ে সতাম্ । নশ্য়ংতি বিপদস্তেষাং সংপদঃ স্য়ুঃ পদে পদে ॥ 15 ॥

যদি রামা যদি চ রমা যদি তনয়ো বিনযগুণোপেতঃ । তনয়ে তনয়োত্পত্তিঃ সুরবরনগরে কিমাধিক্যম্ ॥ 16 ॥

আহারনিদ্রাভযমৈথুনানি সমানি চৈতানি নৃণাং পশূনাম্ । জ্ঞানং নরাণামধিকো বিশেষো জ্ঞানেন হীনাঃ পশুভিঃ সমানাঃ ॥ 17 ॥

দানার্থিনো মধুকরা যদি কর্ণতালৈর্দূরীকৃতাঃ দূরীকৃতাঃ করিবরেণ মদাংধবুদ্ধ্য়া । তস্য়ৈব গংডয়ুগ্মমংডনহানিরেষা ভৃংগাঃ পুনর্বিকচপদ্মবনে বসংতি ॥ 18 ॥

রাজা বেশ্য়া যমশ্চাগ্নিস্তস্করো বালয়াচকৌ । পরদুঃখং ন জানংতি অষ্টমো গ্রামকংটকঃ ॥ 19 ॥

অধঃ পশ্যসি কিং বালে পতিতং তব কিং ভুবি । রে রে মূর্খ ন জানাসি গতং তারুণ্যমৌক্তিকম্ ॥ 20 ॥

ব্য়ালাশ্রয়াপি বিকলাপি সকংটকাপি বক্রাপি পংকিলভবাপি দুরাসদাপি । গংধেন বংধুরসি কেতকি সর্বজংতা রেকো গুণঃ খলু নিহংতি সমস্তদোষান্ ॥ 21 ॥

ಚಾಣಕ್ಯ ನೀತಿ - ಸಪ್ತದಶೋಽಧ್ಯಾಯಃ ಬಗ್ಗೆ

ಇದು ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ ಸೂಕ್ತಿಗಳ ಚಾಣಕ್ಯನೀತಿಯ ಹದಿನೇಳನೇ ಅಧ್ಯಾಯ. ಗುರುಸನ್ನಿಧಿಯಲ್ಲಿ ಕಲಿಯದೆ ಪುಸ್ತಕದಿಂದ ಮಾತ್ರ ಕಲಿತ ವಿದ್ಯೆ ಸಭೆಯಲ್ಲಿ ಶೋಭಿಸದು ಎಂದು ಆರಂಭ. ಕೃತಕ್ಕೆ ಪ್ರತಿಕೃತ ಮಾಡಬಹುದು ಎಂದು ಹೇಳಿ, ಕೇತಕೀ ಹೂವಿನ ಪ್ರಿಯ ಶ್ಲೋಕದಿಂದ ಮುಗಿಯುತ್ತದೆ: ಹಾವುಗಳಿದ್ದರೂ, ಮುಳ್ಳಿದ್ದರೂ, ವಕ್ರವಾದರೂ, ಕೆಸರಿನಲ್ಲಿ ಹುಟ್ಟಿದರೂ, ತಲುಪಲು ಕಷ್ಟವಾದರೂ ಅದರ ಗಂಧ ಅದನ್ನು ಎಲ್ಲರಿಗೂ ಪ್ರಿಯವಾಗಿಸುತ್ತದೆ; ಒಂದೇ ಮಹಾಗುಣ ಎಲ್ಲ ದೋಷಗಳನ್ನು ಮೀರಬಲ್ಲದು.

ರಚನೆಕಾರರು: ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ

ಯಾವಾಗ ಪಠಿಸಬೇಕು: ವ್ಯಾವಹಾರಿಕ ಜ್ಞಾನ (ನೀತಿ)ದ ಓದು ಅಧ್ಯಯನದಲ್ಲಿ, ಮತ್ತು ನಡತೆ ಕುರಿತ ಉಪನ್ಯಾಸಗಳಲ್ಲಿ.

ನಿಮಗೆ ಗೊತ್ತೇ?

  • ಒಂದು ಮಹಾಗುಣ ಅನೇಕ ದೋಷಗಳನ್ನು ಮೀರಬಲ್ಲದು ಎಂದು ತೋರಲು ಕೇತಕೀ ಶ್ಲೋಕ ಹೆಚ್ಚಾಗಿ ಉಲ್ಲೇಖಿತ.
  • ಚಾಣಕ್ಯನೀತಿಯ ಕೆಲವು ಶ್ಲೋಕಗಳು ಅವುಗಳ ಕಾಲದ ಮನೋಭಾವ ಪ್ರತಿಬಿಂಬಿಸುತ್ತವೆ; ಇಂದು ಅದನ್ನು ಗಮನದಲ್ಲಿಟ್ಟು ಓದಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಪುಸ್ತಕವಿದ್ಯೆ ಬಗ್ಗೆ ಮೊದಲ ಶ್ಲೋಕ ಏನು ಹೇಳುತ್ತದೆ?

ಗುರುವಿಲ್ಲದೆ ಅದು ಸಭೆಯಲ್ಲಿ ಶೋಭಿಸದು.

ಕೇತಕೀ ಎಲ್ಲರಿಗೂ ಏಕೆ ಪ್ರಿಯ?

ದೋಷಗಳಿದ್ದರೂ ಅದರ ಗಂಧಕ್ಕಾಗಿ.

ಇದು ಯಾರಿಗೆ ಆರೋಪಿತ?

ಸಂಪ್ರದಾಯದಲ್ಲಿ ಚಾಣಕ್ಯನಿಗೆ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.