MuhurtaNow

ಚಾಣಕ್ಯ ನೀತಿ - ಚತುರ್ಥೋಽಧ್ಯಾಯಃ

Chanakya Neethi · ಸಾಂಪ್ರದಾಯಿಕ ಭಕ್ತಿ ಪಠ್ಯ

आयुः कर्म च वित्तं च विद्या निधनमेव च । पंचैतानि हि सृज्यंते गर्भस्थस्यैव देहिनः ॥ 01 ॥

साधुभ्यस्ते निवर्तंते पुत्रमित्राणि बांधवाः । ये च तैः सह गंतारस्तद्धर्मात्सुकृतं कुलम् ॥ 02 ॥

दर्शनध्यानसंस्पर्शैर्मत्सी कूर्मी च पक्षिणी । शिशुं पालयते नित्यं तथा सज्जन-संगतिः ॥ 03 ॥

यावत्स्वस्थो ह्ययं देहो यावन्मृत्युश्च दूरतः । तावदात्महितं कुर्यात्प्राणांते किं करिष्यति ॥ 04 ॥

कामधेनुगुणा विद्या ह्यकाले फलदायिनी । प्रवासे मातृसदृशी विद्या गुप्तं धनं स्मृतम् ॥ 05 ॥

एकोऽपि गुणवान्पुत्रो निर्गुणेन शतेन किम् । एकश्चंद्रस्तमो हंति न च ताराः सहस्रशः ॥ 06 ॥

मूर्खश्चिरायुर्जातोऽपि तस्माज्जातमृतो वरः । मृतः स चाल्पदुःखाय यावज्जीवं जडो दहेत् ॥ 07 ॥

कुग्रामवासः कुलहीनसेवा कुभोजनं क्रोधमुखी च भार्या । पुत्रश्च मूर्खो विधवा च कन्या विनाग्निना षट्प्रदहंति कायम् ॥ 08 ॥

किं तया क्रियते धेन्वा या न दोग्ध्री न गर्भिणी । कोऽर्थः पुत्रेण जातेन यो न विद्वान् न भक्तिमान् ॥ 09 ॥

संसारतापदग्धानां त्रयो विश्रांतिहेतवः । अपत्यं च कलत्रं च सतां संगतिरेव च ॥ 10 ॥

सकृज्जल्पंति राजानः सकृज्जल्पंति पंडिताः । सकृत्कन्याः प्रदीयंते त्रीण्येतानि सकृत्सकृत् ॥ 11 ॥

एकाकिना तपो द्वाभ्यां पठनं गायनं त्रिभिः । चतुर्भिर्गमनं क्षेत्रं पंचभिर्बहुभी रणः ॥ 12 ॥

सा भार्या या शुचिर्दक्षा सा भार्या या पतिव्रता । सा भार्या या पतिप्रीता सा भार्या सत्यवादिनी ॥ 13 ॥

अपुत्रस्य गृहं शून्यं दिशः शून्यास्त्वबांधवाः । मूर्खस्य हृदयं शून्यं सर्वशून्या दरिद्रता ॥ 14 ॥

अनभ्यासे विषं शास्त्रमजीर्णे भोजनं विषम् । दरिद्रस्य विषं गोष्ठी वृद्धस्य तरुणी विषम् ॥ 15 ॥

त्यजेद्धर्मं दयाहीनं विद्याहीनं गुरुं त्यजेत् । त्यजेत्क्रोधमुखीं भार्यां निःस्नेहान्बांधवांस्त्यजेत् ॥ 16 ॥

अध्वा जरा देहवतां पर्वतानां जलं जरा । अमैथुनं जरा स्त्रीणां वस्त्राणामातपो जरा ॥ 17 ॥

कः कालः कानि मित्राणि को देशः कौ व्ययागमौ । कश्चाहं का च मे शक्तिरिति चिंत्यं मुहुर्मुहुः ॥ 18 ॥

अग्निर्देवो द्विजातीनां मुनीनां हृदि दैवतम् । प्रतिमा स्वल्पबुद्धीनां सर्वत्र समदर्शिनः ॥ 19 ॥

ಚಾಣಕ್ಯ ನೀತಿ - ಚತುರ್ಥೋಽಧ್ಯಾಯಃ ಬಗ್ಗೆ

ಇದು ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ ಸೂಕ್ತಿಗಳ ಚಾಣಕ್ಯನೀತಿಯ ನಾಲ್ಕನೇ ಅಧ್ಯಾಯ. ಗರ್ಭದಲ್ಲಿರುವಾಗಲೇ ಜೀವಿಗೆ ಐದು ನಿಗದಿಯಾಗುತ್ತವೆ ಎಂಬ ಶ್ಲೋಕದಿಂದ ಆರಂಭ: ಆಯುಸ್ಸು, ಕರ್ಮ, ವಿತ್ತ, ವಿದ್ಯೆ, ನಿಧನ. ಪುತ್ರ ಮಿತ್ರ ಬಂಧುಗಳು ಸಾಧುಗಳಿಂದ ದೂರ ಸರಿಯುತ್ತಾರೆ, ಆದರೆ ಅವರನ್ನು ಅನುಸರಿಸುವವರು ಕುಲಕ್ಕೆ ಪುಣ್ಯ ತರುತ್ತಾರೆ ಎಂದು ಹೇಳಿ, ಜನ ದೈವವನ್ನು ಕಾಣುವ ಬಗೆಗಳ ಶ್ಲೋಕದಿಂದ ಮುಗಿಯುತ್ತದೆ: ದ್ವಿಜರಿಗೆ ಅಗ್ನಿ ದೇವ, ಮುನಿಗಳಿಗೆ ಹೃದಯದಲ್ಲಿ ದೈವ, ಅಲ್ಪಬುದ್ಧಿಗಳಿಗೆ ಪ್ರತಿಮೆ, ಸಮದರ್ಶಿಗಳಿಗೆ ಎಲ್ಲೆಡೆ.

ರಚನೆಕಾರರು: ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ

ಯಾವಾಗ ಪಠಿಸಬೇಕು: ವ್ಯಾವಹಾರಿಕ ಜ್ಞಾನ (ನೀತಿ)ದ ಓದು ಅಧ್ಯಯನದಲ್ಲಿ, ಮತ್ತು ನಡತೆ ಕುರಿತ ಉಪನ್ಯಾಸಗಳಲ್ಲಿ.

ನಿಮಗೆ ಗೊತ್ತೇ?

  • ಜನ ದೈವವನ್ನು ಸಮೀಪಿಸುವ ಅನೇಕ ಹಂತಗಳನ್ನು ತೋರಲು ಕೊನೆಯ ಶ್ಲೋಕ "ಅಗ್ನಿರ್ದೇವೋ ದ್ವಿಜಾತೀನಾಂ" ಹೆಚ್ಚಾಗಿ ಉಲ್ಲೇಖಿತ.
  • ಚಾಣಕ್ಯನೀತಿಯ ಕೆಲವು ಶ್ಲೋಕಗಳು ಅವುಗಳ ಕಾಲದ ಮನೋಭಾವ ಪ್ರತಿಬಿಂಬಿಸುತ್ತವೆ; ಇಂದು ಅದನ್ನು ಗಮನದಲ್ಲಿಟ್ಟು ಓದಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

೧ನೇ ಶ್ಲೋಕದಂತೆ ಗರ್ಭದಲ್ಲಿ ನಿಗದಿಯಾಗುವ ಐದು ಯಾವುವು?

ಆಯುಸ್ಸು, ಕರ್ಮ, ವಿತ್ತ, ವಿದ್ಯೆ, ನಿಧನ.

ಸಮದರ್ಶಿಗಳಿಗೆ ದೈವ ಎಲ್ಲಿ?

ಎಲ್ಲೆಡೆ.

ಇದು ಯಾರಿಗೆ ಆರೋಪಿತ?

ಸಂಪ್ರದಾಯದಲ್ಲಿ ಚಾಣಕ್ಯನಿಗೆ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.