MuhurtaNow

ಚಾಣಕ್ಯ ನೀತಿ - ಷಷ್ಠೋಽಧ್ಯಾಯಃ

Chanakya Neethi · ಸಾಂಪ್ರದಾಯಿಕ ಭಕ್ತಿ ಪಠ್ಯ

श्रुत्वा धर्मं विजानाति श्रुत्वा त्यजति दुर्मतिम् । श्रुत्वा ज्ञानमवाप्नोति श्रुत्वा मोक्षमवाप्नुयात् ॥ 01 ॥

पक्षिणः काकश्चंडालः पशूनां चैव कुक्कुरः । मुनीनां पापश्चंडालः सर्वचांडालनिंदकः ॥ 02 ॥

भस्मना शुद्ध्यते कास्यं ताम्रमम्लेन शुद्ध्यति । रजसा शुद्ध्यते नारी नदी वेगेन शुद्ध्यति ॥ 03 ॥

भ्रमन्संपूज्यते राजा भ्रमन्संपूज्यते द्विजः । भ्रमन्संपूज्यते योगी स्त्री भ्रमंती विनश्यति ॥ 04 ॥

यस्यार्थास्तस्य मित्राणि यस्यार्थास्तस्य बांधवाः । यस्यार्थाः स पुमाँल्लोके यस्यार्थाः स च पंडितः ॥ 05 ॥

तादृशी जायते बुद्धिर्व्यवसायोऽपि तादृशः । सहायास्तादृशा एव यादृशी भवितव्यता ॥ 06 ॥

कालः पचति भूतानि कालः संहरते प्रजाः । कालः सुप्तेषु जागर्ति कालो हि दुरतिक्रमः ॥ 07 ॥

न पश्यति च जन्मांधः कामांधो नैव पश्यति । मदोन्मत्ता न पश्यंति अर्थी दोषं न पश्यति ॥ 08 ॥

स्वयं कर्म करोत्यात्मा स्वयं तत्फलमश्नुते । स्वयं भ्रमति संसारे स्वयं तस्माद्विमुच्यते ॥ 09 ॥

राजा राष्ट्रकृतं पापं राज्ञः पापं पुरोहितः । भर्ता च स्त्रीकृतं पापं शिष्यपापं गुरुस्तथा ॥ 10 ॥

ऋणकर्ता पिता शत्रुर्माता च व्यभिचारिणी । भार्या रूपवती शत्रुः पुत्रः शत्रुरपंडितः ॥ 11 ॥

लुब्धमर्थेन गृह्णीयात् स्तब्धमंजलिकर्मणा । मूर्खं छंदोऽनुवृत्त्या च यथार्थत्वेन पंडितम् ॥ 12 ॥

वरं न राज्यं न कुराजराज्यं वरं न मित्रं न कुमित्रमित्रम् । वरं न शिष्यो न कुशिष्यशिष्यो वरं न दार न कुदरदारः ॥ 13 ॥

कुराजराज्येन कुतः प्रजासुखं कुमित्रमित्रेण कुतोऽभिनिर्वृतिः । कुदारदारैश्च कुतो गृहे रतिः कुशिष्यशिष्यमध्यापयतः कुतो यशः ॥ 14 ॥

सिंहादेकं बकादेकं शिक्षेच्चत्वारि कुक्कुटात् । वायसात्पंच शिक्षेच्च षट्शुनस्त्रीणि गर्दभात् ॥ 15 ॥

प्रभूतं कार्यमल्पं वा यन्नरः कर्तुमिच्छति । सर्वारंभेण तत्कार्यं सिंहादेकं प्रचक्षते ॥ 16 ॥

इंद्रियाणि च संयम्य रागद्वेषविवर्जितः । समदुःखसुखः शांतः तत्त्वज्ञः साधुरुच्यते ॥ 17 ॥

प्रत्युत्थानं च युद्धं च संविभागं च बंधुषु । स्वयमाक्रम्य भुक्तं च शिक्षेच्चत्वारि कुक्कुटात् ॥ 18 ॥

गूढमैथुनचारित्वं काले काले च संग्रहम् । अप्रमत्तमविश्वासं पंच शिक्षेच्च वायसात् ॥ 19 ॥

बह्वाशी स्वल्पसंतुष्टः सनिद्रो लघुचेतनः । स्वामिभक्तश्च शूरश्च षडेते श्वानतो गुणाः ॥ 20 ॥

सुश्रांतोऽपि वहेद्भारं शीतोष्णं न च पश्यति । संतुष्टश्चरते नित्यं त्रीणि शिक्षेच्च गर्दभात् ॥ 21 ॥

य एतान्विंशतिगुणानाचरिष्यति मानवः । कार्यावस्थासु सर्वासु अजेयः स भविष्यति ॥ 22 ॥

ಚಾಣಕ್ಯ ನೀತಿ - ಷಷ್ಠೋಽಧ್ಯಾಯಃ ಬಗ್ಗೆ

ಇದು ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ ಸೂಕ್ತಿಗಳ ಚಾಣಕ್ಯನೀತಿಯ ಆರನೇ ಅಧ್ಯಾಯ. ಜ್ಞಾನಿಗಳನ್ನು ಕೇಳುವುದರ ಸ್ತುತಿಯಿಂದ ಆರಂಭ: ಕೇಳುವುದರಿಂದ ಧರ್ಮ ತಿಳಿಯುತ್ತದೆ, ಕೇಳುವುದರಿಂದ ದುರ್ಮತಿ ಬಿಡುತ್ತದೆ, ಕೇಳುವುದರಿಂದ ಜ್ಞಾನ ಸಿಗುತ್ತದೆ, ಕೇಳುವುದರಿಂದ ಮೋಕ್ಷ ದೊರಕುತ್ತದೆ. ಸಂಗ, ವಿಧಿ ಪ್ರಯತ್ನ, ಸಿಂಹದ ಏಕಾಗ್ರ ಪ್ರಯತ್ನ ಕಾಗೆಯ ಎಚ್ಚರದಂಥ ಪ್ರಾಣಿ ಪಕ್ಷಿಗಳಿಂದ ಕಲಿಯಬೇಕಾದ ಗುಣಗಳು, ಸದ್ಬಳಕೆಯ ಕಾಲದ ಮೌಲ್ಯದ ಬಗ್ಗೆ ಶ್ಲೋಕಗಳು ಮುಂದುವರಿಯುತ್ತವೆ.

ರಚನೆಕಾರರು: ಸಂಪ್ರದಾಯದಲ್ಲಿ ಚಾಣಕ್ಯ (ಕೌಟಿಲ್ಯ)ನಿಗೆ ಆರೋಪಿತ

ಯಾವಾಗ ಪಠಿಸಬೇಕು: ವ್ಯಾವಹಾರಿಕ ಜ್ಞಾನ (ನೀತಿ)ದ ಓದು ಅಧ್ಯಯನದಲ್ಲಿ, ಮತ್ತು ನಡತೆ ಕುರಿತ ಉಪನ್ಯಾಸಗಳಲ್ಲಿ.

ನಿಮಗೆ ಗೊತ್ತೇ?

  • ಮೊದಲ ಶ್ಲೋಕ "ಶ್ರುತ್ವಾ ಧರ್ಮಂ ವಿಜಾನಾತಿ" ಭಾರತೀಯ ಸಂಪ್ರದಾಯದಲ್ಲಿ ಕಲಿಕೆಯ ಮೊದಲ ಹೆಜ್ಜೆ ಶ್ರವಣವನ್ನು ಸ್ತುತಿಸುತ್ತದೆ.
  • ಚಾಣಕ್ಯನೀತಿಯ ಕೆಲವು ಶ್ಲೋಕಗಳು ಅವುಗಳ ಕಾಲದ ಮನೋಭಾವ ಪ್ರತಿಬಿಂಬಿಸುತ್ತವೆ; ಇಂದು ಅದನ್ನು ಗಮನದಲ್ಲಿಟ್ಟು ಓದಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

೧ನೇ ಶ್ಲೋಕದಂತೆ ಕೇಳುವುದು ಏನು ತರುತ್ತದೆ?

ಧರ್ಮಜ್ಞಾನ, ದುರ್ಮತಿನಾಶ, ಜ್ಞಾನ, ಮೋಕ್ಷ.

ಪ್ರಾಣಿಗಳಿಂದ ಏನು ಕಲಿಯಬಹುದು ಎನ್ನುತ್ತದೆ?

ಸಿಂಹದ ಏಕಾಗ್ರತೆ, ಕಾಗೆಯ ಎಚ್ಚರದಂಥ ಗುಣಗಳು.

ಇದು ಯಾರಿಗೆ ಆರೋಪಿತ?

ಸಂಪ್ರದಾಯದಲ್ಲಿ ಚಾಣಕ್ಯನಿಗೆ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.